Վճռաբեկի կաշառքը հասնում է 10-50.000 դոլարի

«Ժառանգություն» խմբակցության պատգամավոր Զարուհի Փոստանջյանն Ազգային ժողովում իր ելույթի ընթացքում խոսեց դատարաններում առկա կոռուպցիայի մասին: Նա մեջբերումներ արեց արդեն նախկին Մարդու իրավունքների պաշտպանի վերջին զեկույցից. «Դատական կաշառքի սակագները. կաշառքի չափերը որոշվում են՝ հայցագնի 10 տոկոսից ելնելով: Հարցվածների մեծ մասը պնդում են, որ կաշառքի չափերը տատանվում են հետևյալ սանդղակում. Առաջին ատյանի դատարան, 500-ից 10.000 դոլար, Վերաքննիչ՝ 2000-ից 15.000, Վճռաբեկ՝ 10-50.000 դոլար»: Նա անդրադարձավ նաև ակտիվիստ Վարդգես Գասպարիի կալանավորմանը, որը բացասական էր արտահայտվել դատավորի մասին. «Մեղադրանք առաջադրելուց հետո այս մարդուն անօրինական ձևով կալանավորել են: Կալանավորել են, որպեսզի Հայաստանի քաղաքացին նման վարքագիծ չկարողանա դրսևորել»,-շեշտեց պատգամավորը: