Պատմում է ականատեսը․ անհնար էր մոտենալ, ճաղավանդակների արանքով 2 զինվոր կարողացան դուրս գալ (video)
Երեւի արդեն մեկ տարի է, որ Ազատ գյուղի այս տունը ծառայում է որպես զինվորների կացարան. Տան խնդիր չի եղել, երեւի վառարանից է այսպես եղել,-ասաց Ազատ գյուղի բնակիչներից մեկը՝ անդրադառնալով գյուղում գտնվող N զորամասի կացարանում տեղի ունեցած հրդեհին, որի հետեւանքով 15 զինծառայող է զոհվել:
«Ես գիշերն այստեղ եմ եղել, տեսել եմ բոց ու կրակ, ուրիշ ոչինչ: Շատ մարդ էր հավաքվել, որ ոչ ոք չկարողացավ ոչ մի օգնություն ցուցաբերել, անհնար էր մոտենալ: 4 հոգի փրկվել է, երկու հոգի դուրս է եկել պատուհանի ճաղավանդակի արաքներից: Ես բոլոր զինվորներին ճանաչում եմ, իրենց ծնողներին էլ եմ ճանաչում: Իրենք իմ երեխեքի պես են եղել, ոչ մեկի սիրտը այնպես չի ցավում, ոնց որ իմը: Մենք անընդհատ իրար հետ ենք եղել»,-ասաց նա՝ հավելելով, որ վերջին անգամ զինվորների հետ շփվել է հրդեհից մի քանի ժամ առաջ, պատրաստվում էին քնելու:
Մանրամասները՝ տեսանյութում․
Հետևեք մեզ Viber-ում
