Թշնամու մեկ փամփուշտին մենք պիտի 100-ով պատասխանենք, այլապես․․․ Առուշ Առուշանյան (video)

Գորիսեցիները, մենք բոլորս պատրաստակամ ենք մեր կյանքի գնով էլ պահպանել այն, ինչը որ մերն է, դրա համար էլ նույնիսկ սեպտեմբերյան հարձակման ժամանակ չի դադարել շինարարությունը: Այս մասին այսօր` դեկտեմբերի 25-ին, լրագրողների հետ զրույցում ասաց Գորիսի քաղաքապետ Առուշ Առուշանյանը:

«Մենք պատրաստ ենք նույնիսկ ավելիին ազատագրել այն, որը պատմական, հայկական լեռնաշխարհն է»,- ասաց նա:

Այսօրվա միջոցառումները Գորիսի քաղաքապետը կարեւորեց, սակայն միեւնույն ժամանակ նշեց, որ չեն կարող լիաթոք ուրախանալ, քանի որ շրջափակման մեջ են գտնվում եմր 120 հազար հայրենակիցները:

«Այս հանգամանքից ավելի կարեւոր է ինձ համար, քանի որ մեր պատմական հայրենիքը, հողը, քանի որ իմ սուբյեկտիվ պատկերացմամբ հայրենիքը, հողը թանկ են մեզանից եւ մենք պարտավոր ենք մեր կյանքի գնով մեր քույրերին, եղբայրներին շրջափակումից հանել եւ պայքարել, կռվել ու ապրել Արցախում»,-ասաց նա:

Առուշ Առուշանյանը նշեց, որ այս օրերին մոտ 1000 արցախցիներ են հանգրվանել Գորիսում եւ այսօր էլ արցախցի փոքրիկները կվառեն Գորիսի գլխավոր տոնածառի լույսերը:

«Արցախցիները պետք է հասկանան, եւ ես համոզված եմ, որ պետք է կանգնել, ապրել, պայքարել, հարկ եղած դեպքում մեզանից շատերն էլ կյանք տան, որպեսզի մենք մեր հողի վրա կարողանանք ազատ ապրել: Ես մի բան գիտեմ, որ եթե թշնամու մեկ փամփուշտին մենք 100-ով չպատասխանենք, մենք չենք կարող գոյատեւել, դա բնության օրենքն է, թույլերը ոչնչանում են, իսկ ուժեղները` ապրում: Մենք պետք է մնաք տեղում, կռվենք, պայքարենք մեր հայրենիքի համար»,-ասաց նա:

Մանրամասները` տեսանյութում: