ՔՊ-ականի գուժը՝ Լաչինի միջանցքի հետ կապված (video)
Եթե ընդդիմադիրներն են կոչ անում ուժով բացել Լաչինի միջանցքը, ուրեմն դա չպետք է անել: Այս մասին այսօր՝ դեկտեմբերի 21-ին, ԱԺ-ում լրագրողների հետ զրույցում նշեց ԱԺ ՔՊ խմբակցության պատգամավոր Արման Եղոյանը:
«Ճանապարհները փակվում եւ բացվում են ոչ թե մարդկանց ֆիզիկական ներկայությամբ, այլ ուժերի քաղաքական հարաբերակցությամբ: Մեկ խոսքը կարող էր բավարար լինել այդ ճանապարհը բացելու համար, կամ մեկ լռությունը կարող է բավարար լինել ճանապարհը փակ պահելու համար: Այսինքն երբ քաղաքական ուժերի հարաբերակցությունը փոխվում է, ֆիզիկական ուժերի հարաբերակցությունն էլ է փոխվում»,-ասաց նա:
Նա չցանկացավ կանխատեսել, թե արդյոք Լաչինի միջանցքը կբացվի մինչեւ տարեվերջ. «Դրա հավանականությունը այս պահին կա, բայց կա նաեւ չբացվելու հավանականություն: Երկու դեպքում կարող է բացվել միջանցքը. Կամ երբ փակողների պահանջները իրականացվեն, կամ երբ փակողները տեսնեն, որ իրենց պահանջներն իրականացնել չի ստացվում եւ այլեւս անհնար է պահանջել դրանց իրականացում: Մենք երկրորդ տարբերակող պետք է առաջ շարժվենք, որովհետեւ առաջին տարբերակով մենք շարժվելու տեղ չունենք»,-ասաց Եղոյանը:
Մանրամասները՝ տեսանյութում․
Հետևեք մեզ Viber-ում
