Եթե պապս էլ Քրիստոսի ձեռքը բռնած՝ գա... Հրանտ Բագրատյան
Այսօր Ազգային ժողովի նիստում ՀՀ էկոնոմիկայի փոխնախարար Էմիլ Տարասյանը ներկայացրեց «Պետական տուրքի մասին» օրենքում առաջարկվող լրացումները: Ըստ նրա՝ այսուհետ վանակատի (օբսիդիան) յուրաքանչյուր հանքավայրի շահագործման թույլտվության տրամադրման համsար կսահմանվի տարեկան 100 հազար դրամ տուրք: Փոխնախարարի խոսքով՝ օրինագծի ընդունումը պայմանավորված է ներքին արտադրողի համար հումքային բազա ապահովելու անհրաժեշտությամբ: Է. Տարասյանը հայտնեց, որ ՀՀ օգտակար հանածոների հանքավայրերի պետական հաշվեկշռում ներկայումս հաշվառված են օբսիդիանի 4 հանքավայրեր (Դամլիկի, Արտենիի, Արթին լեռի և Արթին լեռի Սևքարի տեղամաս), որոնք տրամադրված չեն շահագործման: Պատգամավոր Հրանտ Բագրատյանը հայտարարեց. «Եթե պապս էլ Քրիստոսի ձեռքը բռնած՝ գա, ես գիտեմ մի բան՝ հանքերի դեպքում ճիշտը ռոյալթին է: Աշխարհը ո՛չ ես եմ մոգոնել, ո՛չ կառավարությունը, ո՛չ Դուք»,- չհամաձայնեց Հ.Բագրատյանը՝ շեշտելով, որ հանքերի հետ խաղ անել չի կարելի, պետք է հարկել տնտեսվարողի իրական եկամուտը:
Հետևեք մեզ Viber-ում
