Ուսանողների բողոքի ակցիան Ռուսաստանի դեսպանատան առջեւ (video)

Խաղաղությունը բոլորիս երազանքն է, ուրիշ հարց է, թե ինչ մեխանիզմներով կարելի է խաղաղության հասնել։ Այս մասին այսօր՝ դեկտեմբերի 15-ին, ՌԴ դեսպանատան մոտ լրագրողների հետ զրույցում ասաց ԵՊՀ ուսանողներից մեկը։

Նշենք, որ երիտասարդները՝ ի աջակցություն շրջափակման մեջ գտնվող Արցախի՝ բողոքի ակցիա են կազմակերպել։

Նշենք, որ արդեն չորրորդ օրն է, ինչ Ադրբեջանը շարունակում է արգելափակված պահել Արցախը Հայաստանին կապող միակ ճանապարհը։

Հիշեցնենք՝ դեկտեմբերի 12–ին, առավոտյան ժամը 10:30-ի հատվածում, քաղաքացիական հագուստներով մի խումբ ադրբեջանցիներ բնապահպանական պատճառաբանություններով փակել են Արցախն աշխարհին կապող միակ ճանապարհը, ոտնահարելով քաղաքացիական բնակչության կենսական շահերն ու իրավունքները:

Արցախի տեղեկատվական շտաբի հաղորդմամբ, դեկտեմբերի 13–ից, Ադրբեջանը դադարեցրել է Արցախի Հանրապետության գազամատակարարումը։

Արցախի Հանրապետությունում առաջացել է բենզինի, դիզվառելիքի, հեղուկ եւ սեղմված գազի պակաս։ Վառելիքային ճգնաժամ չառաջանալու համար ԱՀ կառավարությունը տնտեսվարողների հետ պայմանավորվածություն է ձեռք բերել՝ անցնելու խնայողական ռեժիմի: Տեղաշարժի արգելափակման պատճառով 1100 անձ, այդ թվում ավելի քան 270 երեխա չեն կարողանում տուն վերադառնալ։