Պիտի գործենք․ արցախցիները գերության մեջ են, նույնը սպառնում է մեզ․ զոհվածի մայր, պատերազմի մասնակից (video)

Արդեն 2օր է Լաչինի միջանցքը փակ է, այսպես կոչված ադրբեջանցի <<բնապահպանների>> պատճառով, վերջիններս սադրում են ռուս խաղապահներին և փակ պահում Արցախը Հայաստանին կապող միակ միջանցքը։ Լաչինի միջանցքը արգելափակելու պատճառով 1100 քաղաքացիական անձիք, որից 270-ը անչափահաս, չեն կարողանում վերադառնալ իրենց տները և ապաստանել են Սյունիքի մարզում, մի մասն էլ Շուշիի շրջանի Բերդաձորի ենթաշրջանի գյուղերում։ Հայկական ԶԼՄ-ների կողմից տեղից լուսանբանելու հնարավորություն չկա, տեղի է ունենում ադրբեջանական միակողմանի լուսաբանում։ Արցախում գազամատակարարումը դադարեցվել է, առաջացել է պարենի խնդիր։ Երեխաները չեն գնալու դպրոց գազի խնայողության համար։
Այսօր Հայելի մամուլի ակումբում հյուրերն էին պատերազմի մասնակից Մանուել Մանուկյանը և 44-օրյա պատերազմի մասնակից Դավիթ Առուշանյանի մայրը` Լիդա Առուշանյանը։
Տիկին Լիդան 3 հայրենիք է ունեցել Շահումյանը, Արցախը հիմա էլ Հայաստանն է վտանգի տակ․ <<Արցախը մեր դրպասն է եղել, թուրքը ժաամանակին մեզանից դողում էր, հիմա թուրքի ժուռնալիստը եկել, ասում է՝ գնում եմ Ստեփանակերտ, բա ու՞ր են մեր բնապահպանները։ Հայաստանում մարդապաշտպան չկա, ինչ բնապահպանի մասին է խոսքը։ Թուրքին պաշտող հայ ժողովու՛րդ, Հայաստանն անցում է թուրքի ձեռքը, ամենակրիտիկական պահն է, պատմություն չիմացող հայ ժողովու՛րդ, այս ինչ եք անում․․․Մեր զավակների պաշտպանած հողերը ինչու՞ եք անտարբերության մատնում>>․․․
Մանուել Մանուկյանը անդրադարձավ Երևանի տոնակատարություններին՝ զուգահեռ տանելով Արցախում տիրող օրհասական իրավիճակին․ <<Այս վճռական պահերին կարևոր է կոչերով հանդես գալ, կար ժամանակ, որ այլ էր արժեհամակարգը, հիմա երկրի ղեկին անհայրենիք անձնավորություն է, որը բոլորին տանում է այդ ուղղով>>։
 Մանուել Մանուկյանի համոզմամաբ՝ ադրբեջանցիները սպասել են Եվրատեսիլից հետո ստեղծել այս իրարանցումը, քանի որ պայմանավորվածություն կար Արևմուտքի հետ։
Մանուկյանը կոչով դիմեց Սուրեն Պապիկյանին և հորդորեց ոստիկանների հետ միասին գնալ սահման, գնալ Արցախ և լուծել ստեղծված վիճակը, այն ոստիկանների որոնք Եռաբլուրում քարշ տալով տանում էին զոհված զինծառայողի մորը։
Բանախոսների կարծիքով Ադրբեջանը մեզ խաղաղություն չի տալու, կոչ են անում լուռ չմնալ և դուրս գալ իրենց տներից, գործել ի փրկություն Հայաստանը։

Մարինե Դվոյան

Մանրամասները՝ տեսանյութում․