«Երկիր ծիրանի» խմբակցությունից դուրս եկած Մնացական Պարակշիևը և Հայկ Պետրոսյանը չեն պատրաստվում հրաժարվել մանդատներից
«Հրապարակ» օրաթերթը գրում է. «Սեպտեմբերը մոտ է, պատրաստվում են ոչ միայն դպրոցականները, այլեւ մեր Երևանի ավագանու անդամները, ոմանք ամառային հանձնարարությունները կատարած, ոմանք էլ՝ «դասընկերների» հետ կռված: Երևանի ավագանու անդամ Հայկ Պետրոսյանից հետաքրքրվեցինք, թե, ի վերջո, առաջիկայում ինչպես են պատրաստվում աշխատել ավագանիում, «Երկիր ծիրանի» կուսակցության հետ, գուցե միանան «Ելքին»: «Մենք պատրաստվում ենք աշխատել որպես անկախ ավագանու անդամներ: Ինչ վերաբերում է այլ խմբակցությունների միանալուն, ապա դեռեւս չենք պատրաստվում միանալ այլ խմբակցության»,- պատասխանեց ավագանու անդամը: Ինչ վերաբերում է «Երկիր ծիրանի» կուսակցության ղեկավար Զարուհի Փոստանջյանի այն համոզմունքին, որ խմբակցությունից վտարված ավագանու երկու անդամները վայր են դնելու մանդատները, ապա Հայկ Պետրոսյանն ընդգծեց, որ չեն պատրաստվում հրաժարվել իրենց մանդատներից. «Մենք չենք պատրաստվում մանդատները վայր դնել և շարունակելու ենք պաշտպանել երևանցու շահերն ու իրականացնել Երևանի ծրագիրը՝ որպես անկախ ավագանու անդամներ»: Մանրամասները՝ «Հրապարակ» թերթի այսօրվա համարում:
Հետևեք մեզ Viber-ում
