Գյուղում խնդիրները շատ են, բայց ո՞ւր գնաս, գնալը հարցի լուծում չէ․ Ասկերանի շրջանի Մխիթարաշեն համայնքի ղեկավար
«Իրավունք» օրաթերթը գրում է․ «Ասկերանի շրջանի Մխիթարաշեն համայնքը այնքան մոտ է թշնամուն, որ անգամ նրանց ամենօրյա մուղամների ձայներն են լսվում: Այս մասին զրույցում ասել է Մխիթարաշենի համայնքի ղեկավար Մխիթար Առստամյանը:
Այստեղ մինչ պատերազմը գյուղացիներն ակտիվորեն զբաղվում էին անասնապահությամբ եւ գյուղատնտեսությամբ, պատերազմից հետո, հաշվի առնելով այն հանգամանքը, որ 77 հա տարածք մնացել է թշնամու վերահսկողության ներքո, ճարահատ տնամերձ հողատարածքներում քիչ քանակությամբ բանջարաբոստանային կուլտուրաներ են աճեցնում: Գյուղում դպրոց եւ մանկապարտեզ չկա: Դպրոցահասակ 13 երեխաներն այցելում են հարեւան Շոշ գյուղի կրթօջախ. ունենք ընդհանուր օգտագործման մեքենա, որը երեխաներին փոխադրում է:
«Գյուղում խնդիրները շատ են, բայց ո՞ւր գնաս, գնալը հարցի լուծում չէ: Մենք մեր գյուղը Առաջին արցախյան պատերազմի ժամանակ չլքեցինք, հիմա՝ առավել եւս: ՊԲ-ն սարի նման կանգնած է մեր թիկունքին, քանի մենք բանակ ունենք, վախենալու բան չունենք»,- վստահեցնում է Մխիթարաշենի վարչական ղեկավարը»:
Մանրամասները՝ թերթի այսօրվա համարում։
Հետևեք մեզ Viber-ում
