Սանկտ Պետերբուրգում գտնվող կոյուղու խողովակում կիսամերկ տղամարդ է հայտնաբերվել (տեսանյութ)

Սանկտ Պետերբուրգում գտնվող կոյուղու խողովակում կիսամերկ տղամարդ է հայտնաբերվել: Նա  21 տարեկան է, սակայն չի հիշում, թե ինչպես է կիսամերկ վիճակում մտել Պուլկովոյի կոյուղիները և ինչու է դա արել, հայտնում է KP.RU-ն։

Երիտասարդի հարազատները պատմել են, որ նա անսպասելիորեն Սանկտ Պետերբուրգ է մեկնել 2022 թվականի նոյեմբերի 6-ին, իսկ մինչ այդ որոշ ժամանակ իրեն տարօրինակ էր պահում։ Նրա անհետացումից հետո ծնողները դիմել են ոստիկանություն և կամավորներին, որոնք սկսել են փնտրել երիտասարդին։

Ականատեսները պատմել են, որ օդանավակայանի մոտ նկատել են կասկածելի տղամարդու, ով մերկացել է ու մտել կոյուղու մեջ։

Ամենայն հավանականությամբ, երիտասարդը նման արարքի է գնացել արգելված նյութերի ազդեցության տակ։