Սնիգիրյովկա քաղաքում բարձրացվել է Ուկրաինայի դրոշը

Ուկրաինական ուժերը վերականգնել են վերահսկողությունը Նիկոլաևի շրջանի Սնիգիրյովկա բնակավայրի նկատմամբ։ Հաղորդագրությանը կից կադրեր են հրապարակվել, որոնք ցույց են տալիս, որ քաղաքում բարձրացվել է Ուկրաինայի դրոշը։

Սնիգիրյովկայի անցումն ուկրաինացի զինվորականների վերահսկողությանը կարևոր է, քանի որ այն հնարավորություն է բացում Ուկրաինայի զինված ուժերի առաջխաղացման համար դեպի Խերսոն։

Հիշեցնենք, որ նախօրեին Ռուսաստանի իշխանությունները հայտարարել էին իրենց զինվորականներին օկուպացված Խերսոնի տարածքից դուրս բերելու մասին։