Անմեղ «դատապարտվածները» /տեսանյութ/

«Ամեն անգամ տալիս են սուտ խոստումներ: Արդյունքում ոչ մի փոփոխություն ու մեզ համար սպասելի արդյունք չի լինում»,-Հայելի.am-ի թղթակցի հետ զրույցում ասաց Արա Պետրոսյանը: Պետրոսյանների 8 անձից բաղկացած ընտանիքը ակնթարթների ընթացքում հայտնվել է փողոցում: Գազի արտահոսքից առաջացած պայթյունը ոչ միայն ֆիզիկական, նաև հոգեբանական լուրջ վնասներ է հասցրել այս ընտանիքին: Պայթյունի ժամանակ վնասվել է նաև ընտանիքի հղի հարսը` պատը փլվել է նրա վրա: Դեպքից հետո ծնված փոքրիկը 2 ու կես տարեկան է: Նա ևս պայքարում է տուն ունենալու իր իրավունքի համար: Ընտանիքում նորից համալրում է սպասվում` մինչ տուն ունենալու հույսերը գնալով մարում են: Արա Պետրոսյանը նշում է, որ անտուն լինելու ցավը այնքան հզոր է, որ ինքը պատրաստ է դիմել ծայրահեղ քայլերի: «Մի երեխաս սթրեսներով ծնվեց: Չեմ ուզում նույն վիճակում տեսնել կնոջս: Չեմ ուզում մյուս բալիկս ծնվի վարձով տանը»,-եզրափակեց Արա Պետրոսյանը: Տեղեկացնենք նաև, որ տունը գտնվում էր Արարատի մարզի Այնթափ գյուղի  12-րդ փողոց 10-րդ  հասցեում: Արան  նշեց, որ որ դատավարությունը ձգձգվում է: Պետրոսյանների ընտանիքը դիմել է  ՀՀ նախագահին: Արա  Պետրոսյանը փաստեց, որ 3 միլիոն դրամ մարդասիրական օգնություն ստանալուց բացի իր ընտանիքը ոչ մի աջակցություն չի ստացել: Աստղիկ Ավագյան Մանրամասները` տեսանյութում: