Արմեն Մարտիրոսյանին պլասմասե շշով հարվածողներին բացահայտեցին,իմ դեմ մահափորձը` ոչ
«Հրապարակի» զրուցակիցը նախկին դեսպան, ՍԴ աշխատակազմի նախկին ղեկավար Էդգար Ղազարյանն է:
- Պարոն Ղազարյան, վերջին շրջանում, կարծես, պասիվացել են Ձեր գործողությունները: Ծեծկռտուքից հետո ինչ-որ բա՞ն է փոխվել:
- Չէ, նման բան չկա: Ամեն ինչ նույնն է: Նույն ռեժիմով եմ աշխատում: Ոչինչ էլ չի փոխվել: Եթե ասում եք, գուցե ինչ-որ բան եք նկատել, բայց ես չէի ասի, որ պասիվացել եմ:
- Ասում են, որ իրավապահները ծեծկռտուքի գործը փորձում են, այսպես ասած, «ջրել»: Ի՞նչ կասեք այս մասին:
- Փաստն այն է, որ արդեն շատ օրեր են անցել ծեծկռտուքից, ակնհայտ հանցագործություն է տեղի ունեցել, սակայն ոչինչ չի բացահատվել դեպքից: Կամ էլ իրենք իրենց համար բացահայտել են, սակայն այդ մասին չեն ցանկանում բարձրաձայնել, հաշվի առնելով այն հանգամանքը, թե ովքեր կարող էին լինել պատվիրատուները: Իմ խորին համոզմամբ գլխավոր պատվիրատուն` Նիկոլ Փաշինյանն է: Փաստերը վկայում են, որ եթե մինչ օրս Հայաստանի ողջ իրավապահ համակարգը` ոսիկանություն, ԱԱԾ, Քննչական կոմիտե և Դատախազություն չեն կարողնում բացահայտել հանրային հնչեղություն ունեցող մի գործ, որը վերաբերում է ընդդիմադիր գործչի դեմմահափորձին, դա նշանակում է, որ հենց նրանք են հանցագործության կազմակերպիչը: Հակառակ դեպքում հաշված ժամերի ընթացքում կարելի էր բացահայտել այդ գործը, ինչպես օրինակ «Դիմադրություն» շարժման ժամանակ Արմեն Մարտիրոսյանին պլասմասե շշով հարվածողներին բացահայտեցին:
- Մենք տեղեկացանք, որ Ձեր շենքի տեսախցիկներն այդ օրը «պատահմամբ» անջատված են եղել:
- Ուղղակի ավտոկայանատեղիում մի տեսախցիկ անջատված է եղել, բայց մնացածը միացված են եղել և ամեն բան ֆիքսել են: Մանրամասներ չեմ կարող ասել, չգիտեմ, սակայն տարածքում եղել են բազմաթիվ տեսախցիկներ, այնպես որ կարծում եմ` հանցագործներին տեսախցիկները ֆիքսել են:
- Նոյեմբերի 5-ին «Դիմադրություն» շարժումը հանրահավաք է նախատեսել: Մասնակցելո՞ւ եք դրան:
- 2020 թվականից սկսած չի եղել մի հանրահավաք, որին ես չմասնակցեմ: Այնպես որ այս անգամ ևս անպայման մասնակցելու եմ հանրահավաքին: Առավել ևս` այն հանրահավաքը, որն ի պաշտպանություն Արցախին և արցախահայությանն է հանդես գալիս, ինձ համար շատ կարևոր է:
- Իսկ ի՞նչ սպասելիքներ կան: Կարծո՞ւմ եք շատ մարդ կլինի՞, արդյունավետ հանրահավաք կլինի՞:
- Չեմ կարող ասել, թե ինչ կլինի, սակայն Արցախում իրավիճակն այլ էր: Արցախում հանրահավաքից առաջ ԱԺ-ն արտահերթ նիստ էր գումարել, որին մասնակցում էին բոլոր խմբակցությունների, բոլոր պատգամավորները: Հայաստանում, կարծես, չկա նման կազմակերպվածություն: Ամեն դեպքում անկախ ամեն ինչից, հասարակության համար պետք է կարևոր լինի հանրահավաքի գաղափարախոսությունը:
Հետևեք մեզ Viber-ում
