«Բոկո Հարամի» մահապարտ ահաբեկիչների մեծ մասը կանայք ու երեխաներ են
«Բոկո Հարամի» մահապարտ ահաբեկիչների մեծ մասը կանայք ու երեխաներ են, փոխանցում է ՌԻԱ Նովոստին՝ հղում տալով ԱՄՆ Ռազմական ակադեմիային կից ահաբեկչության դեմ պայքարի հետազոտության արդյունքներին: Նիգերիայում գործում է «Բոկո Հարամ» իսլամական արմատական խմբավորումը, որի զինյալները դեմ են կրթության արեւմտյան մոդելին ու փորձում են շարիաթ հաստատել ամբողջ երկրում։ «Մեր տվյալները վկայում են այն մասին, որ 2011 ապրիլի 11-ից մինչեւ 2017-ի հունիսի 30-ը «Բոկո Հարամը» 434 մահապարտներ է ուղարկել 247 տարբեր նպատակներ համար։ Այդ մահապարտների առնվազն 56 տոկոսը կանայք են եղել ու առնվազն 81 մահապարտ երեխա կամ դեռահաս է եղել: Սա պատմության մեջ առաջին ահաբեկչական խմբավորումն է, որը ավելի շատ կին մահապարտներ ունի, քան տղամարդ, ու նաեւ առաջինը՝ երեխա մահապարտների թվով»,- նշել է Ուորները։
