«Պատգամավո՞ր, թե՞ գողական».լրագրողները բողոքի ակցիա անցկացրին
Ազգային ժողովի դարպասների դիմաց մեկնարկել է լրագրողների բողոքի ակցիան ընդդեմ «Հանրապետական» խմբակցության պատգամավոր Մհեր Սեդրակյանի, ով վիրավորել ու հայհոյել էր լրագրողներին:
Նրանք պահանջում են ԱԺ նախագահ Գալուստ Սահակյանից պատժել պատգամավորին:
Փայլակ Ֆահրադյանը նշեց, որ ինքն անձամբ է լսել՝ ինչպես է Մհեր Սեդրակյանը լրագրողներին նախիր անվանել: Դա ոչ մի տեսախցիկ չի ֆիքսել, քանի որ եղել է այն ժամանակ, երբ լրագրողները հարցազրույց են վերցնելիս եղել մեկ այլ պատգամավորից:
Ակցիայի մասնակից լրագրողները կազմակերպել են նաեւ ստորագարահավաք: Ստորագրութունները կներկայացվեն Ազգային ժողով: Ակցիային են մասնակցում նաեւ «Ժառանգություն» խմբակցության պատգամավոր Զարուհի Փոստանջյանը ,«Հայ ազգային կոնգրես» խմբակցության պատգամավորներ Արամ Մանուկյանը և Նիկոլ Փաշինյանը:
Լրագրողները ձեռքներին պահում են «Պատգամավո՞ր, թե՞ գողական» և մի շարք այլ պաստառներ: Լրագրողները հիշեցրին բարձրախոսով, որ պատգամավորը լրագրողներին նախիր էր անվանել, իսկ այն հանդիմանությունից հետո, թե ինչու է նման բան ասում, հայհոյել էր:
Հետևեք մեզ Viber-ում
