Իլհամը պատրաստ էր Հայաստանում 5 մլրդ ներդնել. Լուկաշենկո
Բելառուսի նախագահ Ալեքսանդր Լուկաշենկոն ասել է, որ ինքը Ալիևին առաջարկել է հակամարտության կարգավորման դեպքում մտածել Հայաստանում ներդրումներ կատարելու մասին, որպեսզի «վերջնականապես հաշտվեն, և դա ցույց տան երկու երկրների ժողովուրդներին»։ Նա նշեց նաև, որ իր տասը տարվա առաջարկները չեն իրականացվել։
«Լսիր, դու պետք է ինչ-որ կերպ օգնես Հայաստանին, որպեսզի ժողովուրդը տեսնի, որ դու հաշտվել ես։ Լավ, ինչքա՞ն կարող ես ներդնել Հայաստանում»։ Ասում է՝ առնվազն հինգ միլիարդ։ Բայց գլխավորը՝ նրանք խողովակաշարեր էին կառուցելու։ Եվ Իլհամն առաջարկել է այս գազատարներն ու նավթամուղերը Հայաստանով անցկացնել։ Սակայն Ադրբեջանի նախագահին ոչինչ չէր մնում, քան ուժ կիրառել։ Անհնար էր առաջ գնալ։ Ավելի քան մեկ միլիոն փախստականներ լարվածություն էին ստեղծել։ Սա էր խնդիրը»,- հայտարարել է Լուկաշենկոն։
Հետևեք մեզ Viber-ում
