Վիճակը փոխվում է .2-ամյա կրթությունը դառնում է պարտադիր
«Այս տարվա սեպտեմբերից Հայաստանում 12-ամյա կրթությունը դառնում է պարտադիր, այսինքն՝ եթե մինչ այժմ պարտադիր էր 9-ամյա կրթությունը, ապա այժմ վիճակը փոխվում է :Կրթություն ստանալը երեխայի սահմանադրական իրավունքն է, և դա պետք է պարտադիր իրացվի», -Հայելի ակումբում հրավիրված ասուլիսում ասաց ՀՀ ԿԳՆ հանրակրթության վարչության պետ Աշոտ Արշակյանը: Ներկայացնելով վիճակագրական տվյալները, իր հերթին Կրթական տեխնոլոգիաների ազգային կենտրոնի տնօրեն Արտակ Պողոսյանը տեղեկացրեց, որ 9-րդ դասարանից կրթությունը չշարունակողների թիվը «շատ փոքր է՝ 0.001 տոկոս»: «Հիմնականում միջնակարգ դպրոցներում երեխաները շարունակում են կրթությունը և բացառիկ դեպքեր են, որ երեխաները, ասենք՝ զբաղվեն անասնապահությամբ: Բայց պետությունը ունի խնդիր ապահովելու որակյալ կրթություն», - ասաց Պողոսյանը: Նա տեղեկացրեց, որ 2016 թվականի հետազոտության համաձայն, 9-րդ դասարանից հետո շուրջ 98 տոկոսը շարունակում է կրթությունը:
