Սա դեմարշ է՝ ընդդեմ Ռուսաստանի․ սրա հետևանքնե՞րը․․․ Արեն Ապիկյան (video)
Կոնստանտին Զատուլինի մուտքը ՀՀ արգելելը կարող է բերել հարաբերությունների վատացման, որովհետև, երբ դու նման քայլ ես անում քո ստրագետիկական գործընկեր երկրի պետդումայի պատգամավորի հանդեպ, դա խոսում է այն մասին, որ դու քո կողմից փորձում ես հարաբերությունները վատացնել,- ասաց բիզնես խորհրդատու Արեն Ապիկյանը:
«Ես չեմ տեսնում որևէ պրագմատիկ պատճառ, ինչի համար պետք էր այսօր այդպիսի քայլ անել, դա դեմարշի նման գործողություն է, որն ուղղված է հարաբերությունների վատացմանը: Վստահ եմ, որ հետագայում ինչ-որ քայլեր կլինեն Ռուսաստանի կողմից, պարզապես կարծում եմ, որ հիմա Ռուաստանն էմոցիոնալ որևէ քայլ չի անի: Նա այդ տեսանկյունից շատ պրագմատիկ է գործում, ինքը միանգամից չի արձագանքում, բայց հետագայում կտեսնենք այդ արձագանքը»:
Ինչ վերաբերում է հարցին՝ եթե հրաժարվում ենք ռուսական գործոնից, ապա ինչ կարող է մեզ տալ Արևմուտքը, Արեն Ապիկյանը նշեց. «Արևմուտքին պետք չէ մեզ ինչ-որ բան տալ, իրենց միակ նպատակն Ռուսաստանի դիրքերը թուլացնելն է, և իրենք դրան ուղղված ամեն տեսակի գործողությունների պատրաստ են: Արևմուտքը մեզ բացի հայտարարություններից կամ ինչ-որ ֆինանսական օգնությունից, ոչ մի բան տալ չի կարող»:
Հետևեք մեզ Viber-ում
