Մհեր Սեդրակյանը չէր կարող հայհոյել.Նահապետ Գևորգյան
«Մհեր Սեդրակյանից չի սպասում, որ նա կարող է հայհոյել լրագրողին: Սեդրակյանն իմ ավագ ընկերն է, ևես անձամբ նրանից նման վերաբերմունք չէի սպասում: Ինքն ինձանից տարիքով ավագ ընկեր է, ես չգիտեմ` էդ ոնց ա ստացվել: Մի կողմից դուք ասում եք, բայց ես իրան չեմ լսել, չգիտեմ: Երկրորդն էլ` դժվար նա տենց` ձեր ասածի պես վիրավորած, հայհոյած լինի»,- լրագրողներին ասաց ԱԺ պատգամավոր Նահապետ Գևորգյանը: Հարցին, թե ո՞ր դեպքում պատգամավորները կդադարեն լրագրողների հետ այդպես վերաբերվել, օրինակ` այն դեպքում, երբ նրանց մանդատից զրկելու հա՞րց դրվի, Գևորգյանը պատասխանեց, որ դա կլինի այն դեպքում, երբ լրագրողներն էլ իրենց կոռեկտ պահեն: Հարցին, եթե պատգամավորներն օրենսդրական գործունեությամբ չեն զբաղվում խորհրդարանում, այդ դեպքում ի՞նչ գործ ունեն ԱԺ-ում, նա պատասխանեց, որ իրենց ընտրողները միայն կարող են այդ մասին խոսել: «Ես միայն մի բան կարող եմ ասել, որ արդեն 18 տարի ձեր նման մարդիկ չէ, որ ինձ ընտրել են»,- ասաց պատգամավորը: Հարցին` ի՞նչ օրենք եք մշակել` հանուն քաղաքացու, Գևորգյանը պատասխանեց, որ իր ընտրողներն են տեղյակ: Նա խոսեց նաև իր` հաջորդ խորհրդարանում ներկայացված լինելու մասին: «Դուք ո՞նց եք ուզում, եթե որոշողը դուք եք, ուզում եք` կգամ, չեք ուզում` չեմ գա: Երբ ժամանակը կգա, կխոսենք էդ մասին, կգաք, կհարցնեք, կպատասխանենք»,- ասաց Գևորգյանը:
Հետևեք մեզ Viber-ում
