Որտեղ են իրենց հանգիստը վայելում Սամվել Կարապետյանի ընտանիքի անդամները/տեսաշար/

Ամռանը մեծահարուստների հանգստի նախընտրելի տարբերակները բազմազան են. շատ  նախընտրում են էկզոտիկ հանգիստ, իսկ ոմանք սահմանափակվում են ամեն տարի միեւնույն վայրն այցելելով։  Ինչպես  եւ որտեղ են իրենց հանգիստը վայելում հայ միլիարդատեր, «Տաշիր Գրուպ»-ի նախագահ Սամվել Կարապետյանի ընտանիքի անդամները. Wnews.am-ի հրապարակումն այդ մասին է։ Իր ամառային հանգիստը Սամվել Կարապետյանի կինը՝ Էթերի Կարապետյանը, սկսեց Իսրայելից։ Հուլիսի վերջին նա լուսանկար էր հրապարակել Իսրայելի Լացի պատի մոտից՝ գրելով. «Սուրբ հողում, թվում է, թե աղոթներն ավելի շուտ են հասցեատիրոջը հասնում, սակայն դա միայն թվում է։ Նա, ով հավատում է, անպայման ստանում է պատասխանը։ Եվ ոչ ոք չի խոստացել, որ այն ձեռնտու է լինելու, բայց միանշանակ միակ ճշմարիտն է։ Ես աղոթեցի մեր եւ ձեր համար։ Խաղաղ երկինք մեզ մեր տանիքի վրա եւ սրտերում։ Ամեն»։ Օրեր անց, հայ գործարարի կինը Գերմանիայի ամենաշքեղ առողջարաններից մեկում էր՝ Lanserhof Tegernsee-ում։ Այս առողջարանում մեկշաբաթյա հանգիստը ստանդարտ համարում մեկ անձի համար արժե 4360 եվրո։ Իսկ երեկ արդեն Կարապետյանները Իտալիայի Սարդինա կղզում գտնվող հանգստյան գոտում էին։ Cala Di Volpe  հյուրանոցից Էթերի Կարապետյանը որդու՝ Սարգիս Կարապետյանի, նրա կնոջ՝ Սալոմե Կինցուրաշվիլիի, երգիչ Նիկոլայ Բասկովի եւ հաղորդավար Անդրեյ Մալախովի հետ լուսանկար է հրապարակել՝ մակագրելով. «Jacob’s party»։ Խնջույնքին ներկա են եղել նաեւ Forbes-ի ամենահարուստ մարդկանց ցանկում ընդգրկված հայ գործարար Ալբերտ Ավդոլյանի ընտանիքի անդամները։ Էթերի Կարապետյանը որդու՝ Սարգիս Կարապետյանի հետ Ներկայացնում ենք  հանգստյան տվյալ վայրի լուսանկարները. Սամվել Կարապետյանի դուստր Տաթեւիկ Կարապետյանը ամուսնու եւ որդու հետ իր հանգիստն է վայելում Սիցիլիայում։Ներկայացնում ենք նրա հրապարակած լուսանկարները հանգստից։