Ռուսաստանի ամենամեծ ադամանդը աճուրդով կվաճառվի (լուսանկարներ)

Ինչպես նշում է Luxury Launches-ը, ռուսական «Ալռոզա» պետական հանքարդյունաբերական ընկերությունը հայտարարել է, որ պատրաստվում է վաճառքի հանել Ռուսաստանի ամենամեծ ադամանդը, որը կշռում է 51.38 կարատ:Աճուրդը կայանալու է նոյեմբերին՝ «Ալռոզա»-ի առցանց կայքի միջոցով: «Ռոմանով» կոչվող ադամանդին կից աճուրդի է հանվելու ևս 4 ադամանդ, որոնց ընդհանուր մեկնարկային գինը 10մլն դոլար է: 5 ադմանդից բաղկացած հավաքածուն, որը ստացել է «Դինաստիա» անվանումը, ստեղծվել է 2015թ. Սիբիրի հանքավայրերից մեկում հայտնաբերված ահռելի ալմասից: «Ալռոզա»-ի ներկայացուցիչների խոսքով՝ 51.38 կարատանոց նմուշը «Ռուսաստանի ոսկերչության պատմության մեջ ամենամեծ ու մաքուր ադամանդն է»: