Ո՞ւմ եք դուր գալիս՝ հերոսի մորը քաշելով․ Արամ Վարդեւանյանը հուզվեց «Եռաբլուրում» (video)

Մենք պետք է խոնարհվենք իրենց որդիներին կորցրած ծնողների առջեւ, միշտ երախտապարտ լինենք, որովհետեւ մենք կանք այն բանի շնորհիվ, որ այդ ծնողները նման հերոսներ են մեծացրել։ Այս մասին այսօր՝ սեպտեմբերի 20-ին, լրագրողներ հետ զրույցում ասաց «Հայաստան» խմբակցության պատգամավոր Արամ Վարդեւանյանը։

«Կան մարդիկ, որոնց առջեւ մենք ունենք միմիայն պարտականություններ։ Դրա մասին պետք է չէ օրենք ընդունել, դրա համար կրթություն պետք չէ։ Սա ավելի բարձր արժեք է։ Ես չեմ կարողանում հասկանալ՝ մենք բարոյական ի՞նչ ճգնաժամի մեջ ենք, որ արդեն այդ տեսարանը տեսնենք սեպտեմբերի 21-ին։ 44-օրյա մղձավանջից հետո մենք կրկին մղձավանջում եք, ու հիմա ծնողների նկատմամբ ուժ կիրառե՞ք։ Մարդկային ինչ-որ նվազագույն արժեք պետք է լինի չէ՞։ Ախր, սա չէ մեր տեսակը։ Ոստիկանությունը չպետք է լինի ինչ-որ մեկի կցորդը։ Ոստիկանությունը ծառայում է օրենքին եւ իրավունքին, ոչ թե ինչ-որ մեկի հրամաններին, ինչ է թե այդ մեկն ուզում գա «Եռաբլուր» ու իրեն հանգիստ զգա։ Ինչ է թե մեկը որոշել է հանգիստ լինել «Եռաբլուրում», պետք է հարյուրավոր բերետնե՞ր մտնեն «Եռաբլուր»։ Այն բերետավորին, որը գիտի ինքն ապրում է, որովհետեւ այստեղ այդ ծնողների երեխաներն են թաղված: Ի՞նչն է ստիպում, որ այս վիճակում էլ մտածես պառակտելու մասին»,- ասաց Վարդեւանյանը։