Նիկոլ Փաշինյանը մեկ օրվա մեջ երկու տարբեր մեսիջներո՞վ է հանդես գալիս. Ինչո՞ւ. տեսանյութ

Ինչպես հայտնի է, բազմակարծությունը հանրության մեջ նպաստում է դեմոկրատական արժեքների ամրապնդմանը, իսկ նույն այդ բազմակարծությունը մեկ մարդու գլխի մեջ հանգեցնում է շիզոֆրենիայի:

Այսօրվա Նիկոլ Փաշինյանի երկու ելույթների հիմնական մեսիջները գրեթե 180 տոկոսով տարբերվում էին իրարից և ցավոք կարող ենք ասել, որ դա դեմոկրատական սկզբունքների հաստատման հետ ոչ մի առնջություն չուներ: Բայց Փաշինյանին խելագար նույնպես չի կարելի համարել: Այդ դեպքում ինչո՞ւ նա որոշեց հանդես գալ դիամետրալ տարբեր ելույթներով: ԱԺ-ում նա հայտարարեց, որ պատրաստվում է փաստաթուղթ ստորագրել, որի համար իրեն կարող են մեղադրել դավաճանության մեջ, նույնիսկ կարող են հեռացնել իշխանությունից:

Մինչդեռ երբ կրքերը լարվեցին և մարդիկ սկսեցին հավաքվել Բաղրամյան փողոցի վրա, նա լայվ մտավ և հայտարարեց, որ ոչ մի փաստաթուղթ էլ չի պատրաստվում ստորագել:

Այստեղ է որ հարց կարող է առաջանալ, ո՞ր Փաշինյանն էր ճիշտն ասում, կամ ստում, այսօրվա ցերեկվա ԱԺ-ում ելույթ ունեցող Փաշինյանը, թե այսօրվա երեկոյան լայվ մտած Փաշինյանը: Այն որ նա Հայաստանի գլխավոր մանիպուլյացիայի մասնագետն է արդեն ոչ ոք չի կասկածում: Այն, որ Փաշինյանը խճճվել է և փորձում է տարբեր մանիպուլյացիաների ձևորով արդարանալ իր կործանարար քաղաքականության արդյունքների համար հասկանալի է բոլորի համար: Սակայն, ինչպես ասում են, ամեն անգամ պապը փլավ չի կարող բաժանել և Փաշինյանի ստերին հավատալու ժամկետներն արդեն լրացել է և դա հասկանում են արդեն բոլորը:

Ահա թե ինչու այս իրավիճակում Փաշինյանը խճճված քայլեր է կատարում և կորցրել է իրականության զգացումը:

Բայց երեկվա նրա անկեղծ ելույթից հետո նույնիսկ ինքը՝ Փաշինյանն է հասկացել, որ իր ժամանակը արդեն սպառվել է և միացել է նրա հեռանալու ժամացույցը և ինչքան շուտ նա հեռանա, այնքան քիչ կորուստներ կունենա մեր երկիրը:

Սա է իրականությունը:

Դավիթ Մկրտչյան

zham.am