«Ընենց որ, քիչ ծխեք».վարչապետն անհանգստացած է

Կառավարության այսօրվա նիստում ընդունվեց ծխելու դեմ պայքարի ռազմավարությունը,որի  նպատակն է ծխախոտի օգտագործման տարածվածությունը տարեկան 1,5-2 %-ով նվազեցնելը: Ռազմավարությունը նախատեսվում է իրականացնել հետևյալ ուղղություններով` 1. Հայաստանի Հանրապետությունում ծխելու դեմ պայքարի ուղղությամբ բոլոր շահագրգիռ կողմերի ակտիվ համագործակցության իրականացում: 2. Ծխելու դեմ պայքարին ուղղված գործող օրենսդրական դաշտի վերանայում և լրամշակում: 3. Ծխելու դեմ պայքարին ուղղված գործունեություն իրականացնող առողջապահական կազմակերպությունների կարողությունների զարգացում: 4. Դեռահասների շրջանում ծխելու դեմ ուղղված միջոցառումների իրականացում: 5. Հայաստանի Հանրապետությունում ծխախոտի օգտագործման հետևանքով առողջությանը հասցված վնասների տվյալների ու մասշտաբների վերլուծության, հիմնական գործոնների, պատճառների բացահայտման և համաճարակաբանական հսկողության արդյունավետ գործընթացի իրականացում: 6. Ծխախոտի օգտագործման հետևանքով առաջացած վնասների և հետևանքների վերաբերյալ հանրության իրազեկվածության մակարդակի բարձրացում: Այսպիսոով Ռազմավարության ներդրման ընթացքում ակնկալվում է իրականացնել մի շարք իրավական ակտերի փոփոխություններ և լրացումներ` ԱՀԿ Ծխելու դեմ պայքարի Շրջանակային կոնվենցիայի պահանջներին համահունչ: Նախագծում նշված է, որ ռազմավարությամբ նախատեսված միջոցառումներն իրականացվելու են մեկ փուլով` 2017-2020 թվականների ընթացքում ակնկալվող հետևյալ արդյունքներով. Ծխախոտի օգտագործման տարածվածության (տարեկան 1,5-2 %-ով) նվազեցում, 15 և բարձր տարիքի տղամարդկանց շրջանում ծխախոտի օգտագործման տարածվածության ընթացիկ ցուցանիշի հարաբերական կրճատում մինչև 10%-ով: Երկրորդային ծխի ազդեցության նվազեցում, որը կնպաստի արյան շրջանառության համակարգի հիվանդություններից, չարորակ նորագոյացություններից, թոքերի քրոնիկ օբստրուկտիվ հիվանդություններից և շաքարային դիաբետից ընդհանուր և վաղաժամ մահացության կրճատում 5%-ով: Նախարար Լևոն Ալթունյանի՝նախագիծը ներկայացնելուց հետո վարչապետ Կարեն Կարապետյանն ասաց.«Ընենց որ, քիչ ծխեք»: