Պարոնայք սպաներ, խոսեք, պատմեք, թե ինչ դավաճանական հրամաններ եք ստացել Նիկոլից․ Հայկ Մամիջանյան (video)
«Մարդիկ մոտենում են, ասում են՝ դե ինչ անեմ, թողնեմ գնամ։ Մենք չպիտի գնանք։ Ինքը պիտի գնա: Մենք հիասթափվելու իրավունք չունենք, հիասթափությունը Նիկոլ Փաշինյանից մեծ վտանգ է»: Այս մասին Ֆրանսիայի հրապարակում «Դիմադրություն» շարժման հանրահավաքի ժամանակ ասաց ԱԺ «Պատիվ ունեմ» խմբակցության ղեկավար Հայկ Մամիջանյանը։ «Բրյուսելի վերջին հանդիպումներից հետո հրապարակված տեքստերում հիշատակում չկա ո՛չ Լեռնային Ղարաբաղի մասին, ո՛չ գերիների, ո՛չ էլ Արցախի սուբյեկտայնության մասին։ Վերջնականապես Հայաստան–Ադրբեջան հարաբերությունները զատվել են ղարաբաղյան հակամարտությունից։ Դա նշանակում է, որ պաշտոնական Երևանը ձեռքերը լվանում է Արցախից։ Ու մենք դա թույլ տալ չենք կարող»,– ասաց նա։
Հայկ Մամիջանյանը նշեց, որ պատերազմից հետո ՀՀ ոչ մի բարձրաստիճան պաշտոնյա չի գնացել Արցախ, որովհետև եթե գնան Արցախ, ստիպված կլինեն թիկնապահներով շրջել Արցախում։
Հետևեք մեզ Viber-ում
