Ովքեր են ներկա եղել Գառնիկ Իսագուլյանի որդու հարսանիքին

hayeli.am-ը գրել էր, որ  օգոստոսի 26-ին, տեղի կունենա «Ազգային անվտանգություն» կուսակցության հիմնադիր նախագահ Գառնիկ Իսագուլյանի որդու հարսանեկան արարողությունը:
Հարսանյաց հանդեսին հրավիրված էր մոտ 300 հոգի, այդ թվում ՀՀ և Արցախի նախկին նախագահները՝ ՀՀ երկրորդ և  երրորդ նախագահներ Ռոբերտ Քոչարյանը և Սերժ Սարգսյանը, Արցախի նախկին նախագահներ Բակո Սահակյանը և Արկադի Ղուկասյանը: Ինչպես արդեն մամուլում հրապարակվել է ՀՀ երկրորդ նախագահ Ռոբերտ Քոչարյանը, որը ևս հրավիրյալների մեջ է, Հայաստանում չէ:

Հարսանյաց հանդեսն անցկացվել է Մասիսի «Մորենա» ռեստորանային համալիրում։

Մեր ունեցած տեղեկություններով՝ հրավիրյալներից մասնակցել են Սերժ Սարգսյանը և Արկադի Ղուկասյանը։ Նախագահների հետ մի սեղանի շուրջ նստած են եղել ՀՅԴ բյուրոյի ներկայացուցիչ, ներկա ԱԺ-ի նախկին փոխնախագահ Իշխան Սաղաթելյանը, Վահրամ Բաղդասարյանը, Հրանտ Բագրատյանը, Մասիսի քաղաքապետ Դավիթ Համբարձումյանը։

ՀՀԿ-ի վերնախավից ներկա են եղել Սամվել Նիկոյանը, Ռուբեն Թադևոսյանը , Մարգարիտ Եսայանը և այլոք։

Հարսանյաց արարողությունն անցել է շատ համեստ և ջերմ մթնոլորտում, ազգային բոլոր ավանդույթներին համապատասխան։