Սուրենյան. Հանրապետության տարածքին մոտենում է հզոր ջերմային ալիք

ՀՀ ԱԻՆ Հիդրոմետ ծառայության օդերևութաբանության կենտրոնի պետ Գագիկ Սուրենյանը զգուշացրել է օգոստոսին սպասվող բարձր ջերմաստիճանի մասին։ Իր Facebook–յան էջում նա մասնավորապես գրել է. «Հանրապետության տարածքին մոտենում է հզոր ջերմային ալիք»։ Հիդրոմետ ծառայության տեղեկացմամբ, օգոստոսի 2-ից 6-ը հանրապետությունում սպասվում է բարձր ջերմային ֆոն, Երևանում, Արարատյան դաշտում և Սյունիքի հովիտներում ցերեկը կանխատեսվում է մինչև 38...40 աստիճան տաքություն և բարձր կարգի հրդեհավտանգ իրավիճակ: Օդի միջին օրական ջերմաստիճանն այդ օրերին բարձր կլինի նորմայից 4-6 աստիճանով: Օդի ջերմաստիճանը օգոստոսի 3-4-ը կբարձրանա 1-2 աստիճանով։