Պարզվել է Շամիրամ գյուղում կրակոցներ արձակած անձի ինքնությունը, նա դիմել է փախուստի
Օգոստոսի 1-ին, ժամը 10.40-ին ոստիկանություն ահազանգ է ստացվել, որ Շամիրամ գյուղի գերեզմանատանը կրակոցներ են հնչել: Մեկնած օպերատիվ խումբը պարզել է, որ անհայտ անձը մտել է գերեզմանատան տարածք և կրակ բացել հավաքվածների վրա: Նախնական տվյալներով՝ կրակոցների հետևանքով զոհվել է 3 մարդ, վիրավորվել՝ 5-ը: Կրակողը դեպքի վայրից դիմել է փախուստի: Ոստիկանության ծառայողների ձեռնարկած միջոցառումներով պարզվել է նրա ինքնությունը: Այս պահին ունեցած տվյալներով՝ օգտագործվել է «Սայգա» տեսակի, օրինական գրանցված որսորդական հրացան: Ըստ նախնական տվյալների՝ հանցագործությունը կատարվել է կենցաղային հողի վրա: Ձեռնարկվում են միջոցառումներ կասկածյալին հայտնաբերելու ուղղությամբ: Քննություն է կատարվում: Հավելենք, որ Շամիրամի գյուղաղպետ Մրազ Բլոյանը մեզ հետ զրույցում նշեց, որ կրակողը որևէ ազգակացական կապ չունի սգո սրահում գտնվող մարդկանց հետ: Գյուղապետը նաև հայտնեց, որ, ըստ նախնական տեղեկությունների, մահացել են Զորիկ Օզմանյանը, Աղասի Քյալոյանը և Ամրո Օզմանյանը:
Հետևեք մեզ Viber-ում
