Երևան դարձած իմ Էրեբունի․․․Նիկոլենք օդից փող են բռնում
Նիկոլենք հիմա օդից փող են բռնում։ Ուկրաինական ճգնաժամը սրանց համար վերածվել է դրսի ու ներսի հպարտ և ոչ հպարտ քաղաքացիներին քամելու հնարավորության։ Ասում են՝ ինչքան շատ լինեն տուրիստները, այնքան բանկերի ու խանութների միջոցով ավելի շատ կթալանենք։
Եթե խնդիրը տուրիստի քանակ ապահովելն է, ապա Երևանի Էրեբունու շրջանի տարածքը, դատելով ամենից, կարող է ձեռնոց նետել Կոտայքի մարզում գտնվող Հատիսին։ Ավելի ճիշտ՝ կլինի առողջ մրցակցություն բաց երկնքի տակ գտնվող թանգարանի և բաց երկնքի տակ հայտնված Հիսուսի արձանի միջև։
Մի տեղ անկեղծ ու բաց տեսարաններով կնկարահանվեն Մենուայի որդու «օբյեկտում», մյուս տեղում մեղքերի թողություն կխնդրեն և հոգևոր սնունդ կստանան Նիկոլայի որդու «օբյեկտում»։ Երկու տեղում էլ սելֆիներ կանեն։ Հետո հրաժեշտ կտան բաց երկնքի տակ գտնվող բազմաչարչար մեր երկրին։ Քայլարածներն էլ վիճակագրական թվերով կկերակրեն պողոսներին ու իրենց գրպաններում հեղափոխական ձևով կհաղթահարեն աղքատությունը։
Հայկ Ուսունց
Հետևեք մեզ Viber-ում
