Վրացական, թուրքական և ադրբեջանական լրատվամիջոցները հուլիսի 20-ին հաղորդեցին, որ գործարկվել է Բաքու-Թբիլիսի-Կարս երկաթուղին: Փորձնական առաջին գնացքը Թուրքիայից մեկնել է Վրաստան:
Առաջին ուղևորների կազմում են եղել Թուրքիայի տրանսպորտի, նավագնացության ու հեռահաղորդակցության նախարարը, Ադրբեջանի, Վրաստանի, Ղազախստանի երկաթուղային ընկերությունների ղեկավարները: Նրանք իրենց առաջին ուղևորությունն են կատարել Բաքու-Թբիլիսի-Կարս գնացքով։
Նախարար Արսլանը նշել է, որ նախագահ Ռեջեփ Թայիփ Էրդողանը մեծ կարևորություն է տալիս երկաթուղու կառուցման նախագծին և հավելել. «Այս նախագծում 3 երկիր է աշխատել։ Հաճույքով առաջին ուղևորությունն ենք իրականացնում։ Մենք պատմություն ենք կերտում։ Երկաթգիծը կծառայի նաև բեռնափոխադրումներին»։
Բաքու-Թբիլիսի-Կարս երկաթգիծը կառուցվում է Ադրբեջան-Վրաստան-Թուրքիա միջպետական համաձայնագրի հիման վրա: Նախագծի իրականացումը սկսվել է 2008 թվականին:
Այսպիսով, Բաքու-Թբիլիսի-Կարս երկաթուղին կարևոր կապող օղակ կդառնա ժամանակակից «Մետաքսի ճանապարհի» միջնամասում՝ ամրապնդելով կապերը Ադրբեջանի, Վրաստանի և Թուրքիայի միջև:
Ավելին` նախագծով կարճ ժամանակում ամբողջությամբ կիրագործվի և Եվրոպայի ու Ասիայի միջանցք հանդիսացող Մարմարա ծովն ավելի մեծ կարևորություն կունենա։
Այս երկաթուղու կառուցման գաղափարն առաջին անգամ առաջ քաշվեց 1993 թ., երբ Հայաստանի և Թուրքիայի հարաբերությունների վատթարացման ու սահմանի փակման պատճառով դադարեց գործել Կարս-Գյումրի-Թբիլիսի երկաթուղին: Հետագայում արեն Ադրբեջանի, Վրաստանի ու Թուրքիայի նախագահները կրկին բարձրացրեցին երկաթուղու կառուցման հարցը 2005 թ. մայիսին՝ Բաքու-Թբիլիսի-Ջեյհան նավթամուղի գործարկման պաշտոնական արարողության ժամանակ: Իսկ արդեն 2007 թ.-ին Ադրբեջանի նախագահ Իլհամ Ալիևը, Վրաստանի նախագահ Միխայիլ Սահակաշվիլին և Թուրքիայի նախագահ Աբդուլլահ Գյուլը Թբիլիսիում հայտարարեցին նախագծի մեկնարկի մասին:
Բաքու-Թբիլիսի-Կարս երկաթուղին կարևոր նախագիծ է տարածաշրջանի համար, որի նպատակը ասիական երկրները Եվրոպայի հետ միավորելն էր:
Իսկ որո՞նք են Հայաստանի նախագծերը, որը կարող է լինել մեր տարածաշրջանում:
Արդեն քանի տարի է պաշտոնական Թեհրանը հայտարարում է, որ ցանկանում են Հայաստանի տարածքով կապվել Սև ծովով Եվրոպայի հետ, և սա ոչ միայն տնտեսական լուրջ հարց է, այլև տարածաշրջանային անվտանգության տեսանկյունից` քաղաքական նշանակության ազդեցիկ ծրագիր:
Բայց Հայաստանի իշխանությունները լծված են պաթետիկ ելույթներ ու բաժակաճառեր շռայլելուն: Պաշտոնական Թեհրանի հայտարարություններին ի պատասխան նշանակալի արձագանք չի հնչում:
Նույն անհասկանալի լռությունն են պահպանում Խորհրդարանում հայտնված, Հայաստանի ապագան ԵԱՏՄ-ի «ծիրին մեջ» տեսնող ուժերը, առանց բացառության, իրենց ընդդիմություն համարողները:
Ու այսպես, Հայաստանը դուրս է մնում տարածաշրջանային բոլոր ազդեցիկ պրոյեկտներից` մնալով աշխարհի անցուդարձին անհաղորդ ու մեկուսացած:
Մետաքսյա Շալունց
Սեպտեմբերի 25-ին՝ ժամը 12։00-ին, Հայելի ակումբի հյուրն է Հովհաննես Իշխանյանը
Սեպտեմբերի 25-ին՝ ժամը 13։00-ին, Հայելի ակումբի հյուրն է Հովհաննես Շահինյանը
Սեպտեմբերի 25-ին՝ ժամը 12։00-ին, Հայելի ակումբի հյուրն է Կարինե Նալչաջյանը
Սեպտեմբերի 25-ին՝ ժամը 14։30-ին, Հայելի ակումբի հյուրն է Ռուզան Ստեփանյանը
Սեպտեմբերի 24-ին՝ ժամը 15։30-ին, Հայելի ակումբի հյուրն է Արմենակ Դանիելյանը
Սեպտեմբերի 24-ին՝ ժամը 14։00-ին, Հայելի ակումբի հյուրն է Գառնիկ Դանիելյանը
Սեպտեմբերի 24-ին՝ ժամը 13։00-ին, Հայելի ակումբի հյուրն է Արմենուհի Կյուրեղյանը
Սեպտեմբերի 24-ին՝ ժամը 11։30-ին, Հայելի ակումբի հյուրն է Սուրեն Սուրենյանցը
Սեպտեմբերի 24-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Սեպտեմբերի 23-ին՝ ժամը 15։00-ին, Հայելի ակումբի հյուրն է Հենրիխ Դանիելյանը
Հետևեք մեզ Viber-ում
