Վարչապետն իր ձեռքն է վերցնելու նշանակումը

Ոստիկանության պետի տեղակալ Արա Ֆիդանյանն այսօր տեղեկացրեց, որ թեպետ ՆԳ նախարարը լինելու է քաղաքական անձ, բայց ոստիկանապետի պաշտոնը զբաղեցնողը լինելու է առանձին անձ, որը լինելու է ապաքաղաքականացված մարդ, ոստիկանության սպա։ Նրա նշանակումը լինելու է ոչ թե ՆԳ նախարարի, այլ վարչապետի կողմից։

Միաժամանակ նա ընդգծեց, որ միգրացիայի և վիզաների վարչություններն իրականացնում են միմյանց շատ մոտ գործառույթներ, հետևաբար՝ մեկ միասնական կառույցում նրանց աշխատանքն ավելի արդյունավետ կլինի։

Ինչպես ասաց՝ ՆԳՆ ստեղծելու վերաբերյալ օրենսդրական փաթեթը հավանաբար խորհրդարան կներկայացնեն սեպտեմբերին: