ՀՀ քաղաքացիություն ստանալու համար դիմողների թիվն ահռելի մեծ ծավալների է հասել. Ոստիկանության պետի տեղակալ
ՀՀ քաղաքացիություն ստանալու համար դիմող անձն այսուհետ դիմում ներկայացնելու ու հարցաթերթիկ լրացնելու փոխարեն կիրականացնի միայն մեկ գործողություն՝ կներկայացնի դիմում-հարցաթերթ։ Այս որոշումն այսօր՝ հուլիսի 7-ին, իր հերթական նիստում կայացրել է կառավարությունը:
Ընդունված որոշմամբ` որոշ տեխնիկական փոփոխություններ են կատարվել ՀՀ քաղաքացիություն ստացող անձանց համար Հայաստանի Հանրապետության Սահմանադրության և հայոց լեզվի իմացության ստուգման կարգի մեջ։ Այս մասին ասաց ՀՀ ոստիկանության պետի տեղակալ Արա Ֆիդանյանն ԱԺ արտահերթ նիստում՝ Հայաստանի Հանրապետության քաղաքացիության մասին օրենքում փոփոխություններ եւ լրացումներ կատարելու մասին օրենքի նախագծի քննարկման ընթացքում:
Ինչպես բացատրեց՝ դիմողն այսուհետ դիմում ներկայացնելու ու հարցաթերթիկ լրացնելու փոխարեն կիրականացնի միայն մեկ գործողություն` կներկայացի դիմում-հարցաթերթ, որում ներառված կլինի և դիմումը, և արդեն լրացված հարցաթերթը։
«Նախագծի նպատակն է տնտեսության, գիտության, մշակույթի, առողջապահության, սպորտի ոլորտները զարգացնելու նպատակով ընդլայնել պարզեցված կարգով քաղաքացիություն ստացող այն անձանց շրջանակը, որոնք իրենց նշանակալի ավանդը կունենան մի շարք ոլորտներում»,-ասաց Ֆիդանյանը՝ հավելելով, որ ՀՀ քաղաքացիություն ստանալու համար դիմողների թիվն ահռելի մեծ ծավալների է հասել:
Հետևեք մեզ Viber-ում
