Ուզում են ավելի մասնագիտանալ մանիպուլյացիայի գործում

10:10 - 30/հունիսի/2022

Դիտել նաև Հեղուկ գազի դեֆիցիտ է ստեղծվում՝ ադրբեջանական «քաղաքական բենզինի» իրացումն ապահովելու համար Նոր մեգանախարարություն ստեղծելու նախագիծ է քննարկվում. «Ժողովուրդ» Պետության հաշվին հարստացողներն այլոց «նախաճաշն» են հաշվում. «Փաստ» Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»

«Փաստ» օրաթերթը գրում է. «Տարբեր քաղաքագետներ և ռազմական ոլորտի ներկայացուցիչներ ու փորձագետներ պնդում են, որ առաջիկայում ՀՀ-ում լուրջ գործընթացներ են տեղի ունենալու՝ կապված Արցախի կարգավիճակի, կոմունիկացիաների, Բերձորի, ինչպես նաև իշխանությունների կողմից առաջ քաշված «խաղաղության դարաշրջանի» շրջանակներում։

Սրանք հարցեր են, որոնք մեծապես մտահոգում են բոլոր նրանց, ովքեր մտածելու և վերլուծելու կարողություն ունեն: Եվ ահա, այս և նմանօրինակ այլ հարցերի շղթաները «փակելու» և հանրության ուշադրությունը հերթական անգամ բուն գործընթացներից շեղելու նպատակով իշխանությունները տարատեսակ «շոուներ» ու այլ միջոցներ են մշակում։

«Փաստ» թերթի տեղեկություններով, չնայած գործող իշխանությունները վստահ են, որ իրենք մանիպուլ յացիայի գծով «աշխարհի չեմպիոն» են, այդուամենայնիվ, նախորդ շաբաթ արտերկրից PR մասնագետներ և քաղտեխնոլոգներ են հրավիրել, որոնց առաջ խնդիր է դրված իշխանության PR բլոկին հատուկ թրեյնինգների միջոցով «մարզել» և պատրաստել տեղեկատվական դաշտում մանիպույլատիվ գործընթացներ ապահովելու գործին։ Հասկանալի է՝ մեղմ ասած, ոչ անվճար:

Մեր աղբյուրները փոխանցում են նաև, որ դասընթացները տեղի են ունենում մի քանի խմբերով՝ մասնավորաբար Աղվերանում և Ծաղկաձորում։ Թերթի տեղեկություններով, մանիպուլ յացիայի «դասերն» անցնում են իրավիճակային տարբեր խնդիրների առաջադրումով, ինչպես նաև մասնագիտական կինոդիտումներով»:

Առավել մանրամասն՝ թերթի այսօրվա համարում