Արագ չանենք, չենք հասցնի
«Երեկ սահմանամերձ համայնքների միջգերատեսչական հանձնաժողովի նիստն էր և այնտեղ ՀՀ նախագահից ԿԳՆ-ին կա երկու հանձնարարական։Եթե մենք դա շատ արագ չանենք, ուղղակի չենք հասցնելու: Մեկը վերաբերում է սահմանամերձ համայքների աշակերտների բոլոր դասագրքերի փոխհատուցման խնդրի լուծմանը, երկրորդը՝ սահմանամերձ համայնքներից ուսանողների ուսման վարձերի հատուկ մեխանիզմի ներդմանը», - կառավարության այսօրվա նիստում հայտարարեց ՀՀ պաշտպանության նախարար Վիգեն Սարգսյանը այն -ամանակ,երբ վարչապետ Կարեն Կարապետյանը Կրթության և գիտության նախարար Լևոն Մկրտչյանին հանձնարարեց ապահովել 2017-2018 թվականների ուսումնական տարվա պատշաճ մեկնարկը: Պաշտպանության նախարարը նշեց, որ երկու հանձնարարականի վերաբերյալ էլ Կրթության և գիտության նախարարի տեղակալը երեկ զեկուցում էր, որ պատրաստ են: «Բայց դրանք երկուսն էլ կառավարության որոշումներ են պահանջելու և ցանկալի է դա անել հիմա՝ մինչև սեպտեմբերի մեկը, դասագրքերի առումով անպայման, երկրորդը՝ գոնե իրազեկման առումով:Եթե դեմ չեք, ձեր հանձնարարականի մեջ դա էլ ներառվի», - ասաց նախարարը: «Շատ լավ», - արձագանքեց Կարեն Կարապետյանը
