ԲԴԽ անդամը՝ Վարդազարյանի եւ Ջհանգիրյանի ձայնագրության մասին (video)
Բարձրագույն դատական խորհրդի անդամ Դավիթ Խաչատուրյանը հիմա գնահատական չի տա ԲԴԽ նախկին նախագահ Ռուբեն Վարդազարյանի հրապարակած աղմկահարույց ձայնագրությանը։
«Խորհրդի կազմի անդամներից ձևավորվել է հանձնախումբ, որքանով հիշում եմ՝ հինգ հոգի միացել է այդ հանձնախմբին ու մենք խնդրել ենք պարոն Վարդազարյանին, որպեսզի նա մեզ տրամադրի ամբողջական, մոնտաժով չաղավաղված ձայնագրությունը, որ կարողանանք համապատասխան եզրակացության գալ», - Ազգային ժողովում լրագրողներիի հետ զրույցում ասաց Խաչատուրյանը։
Նա նշեց, թե բոլոր վարկածները պետք է օբյեկտիվ ու բազմակողմանիորեն քննվեն համապատասխան քննչական մարմնի կողմից։
«Հիմա նախապատրաստվում են նյութեր, սպասենք համապատասխան որոշումների կայացմանը», - նշեց ԲԴԽ անդամը։
Խաչատուրյանն ասաց, թե լուրեր չունի, որ Գագիկ Ջհանգիրյանը պատրաստվում է հրաժարական տալ։
Նա նշեց, թե Ջհանգիրրյանի առողջական խնդիրների մասին գիտեր դեռ 25 օր առաջ ու վիրահատությունն անհրաժեշտություն էր։
Հիշեցնենք՝ օրերս Բարձրագույն դատական խորհրդի նախկին նախագահ Ռուբեն Վարդազարյանը լրագրողների հետ հանդիպմանը բացառիկ ձայնագրություն հրապարակեց իր, ԲԴԽ նախագահի պարտականությունները կատարող Գագիկ Ջհանգիրյանի ու ԲԴԽ անդամ Ստեփան Միքայելյանի՝ 2021 թվականի փետրվարի 20-ին տեղի ունեցած զրույցից։
Հետևեք մեզ Viber-ում
