Լապշինը դիմում է ներկայացրել Իսրայել արտահանձնվելու համար
Ադրբեջանում երեք տարվա ազատազրկման դատապարտված բլոգեր Ալեքսանդր Լապշինը դիմում է ներկայացրել Իսրայել արտահանձնվելու խնդրանքով: Այս մասին ՏԱՍՍ-ին հայտնել է բլոգերի փաստաբան Էդուարդ Չերնինը: «Այսօր ես հանդիպեցի Լապշինին։ Նա իրեն Իսրայել արտահանձնելու խնդրագիր է ներկայացրել»,-ասել է Չերնինը։ Փաստաբանը նաեւ նշել է, որ Ռուսաստանի, Ուկրաինայի եւ Իսրայելի քաղաքացի Լապշինը դատարանի դահլիճոմ հրաժարվել է դատավճիռը բողոքարկել։ «Իմ պաշտպանյալը շնորհակալություն է հայտնել Ռուսաստանի դեսպանությանը՝ իր ցանկության դեպքում արտահանձնման հարցում աջակցելու համար, սակայն նա ցանկանում է տեղափոխվել Իսրայել, ինչի կապակցությամբ համապատասխան ձևով դիմում է գրել»,- հայտնել է փաստաբանը: Չերնինը նշել է, որ այժմ գործելու հերթն իսրայելական կողմինն է, որը դրական պատասխանի դեպքում պետք է պաշտոնապես դիմի Ադրբեջանի արդարադատության նախարարություն: Ըստ ընթացակարգի՝ հաջորդ գործողությունը պետք է տեղի ունենա դատարանում. դատարանն է որոշելու՝ արտահանձնել բլոգերին, թե ոչ:
