Ավետիք Չալաբյանը կարդարացվի, նրա նկատմամբ քրեական հետապնդումը դադարեցվելու է․ պաշտպան (video)
Հավաքներին մասնակցելու նպատակով նյութապես շահագրգռելու հոդվածը հակասահմանադրական է, որովհետեւ Սահմանադրությամբ չի հետապնդվում որեւէ նպատակ, որը կապված է հավաքներին մանսակցելու համար նյութապես շահագրգռելու հետ: Այս մասին այսօր՝ հունիսի 20-ին մամուլի ասուլի ժամանակ նշեց հասարակական-քաղաքական գործիչ, «Արար» հիմնադրամի համահիմնադիր Ավետիք Չալաբյանի պաշտպանական խմբի անդամ Վարազդատ Հարությունյանը:
Նրա խոսքով, իրենք խորը ուսումնասիրություն են արել այս հարցում եւ դատախազությանը հորդորել են այս հարցով դիմել ՍԴ: Դատախազությունից ստացել են մեկ նախադասություն պարոնակող պատասխան. «ՍԴ դիմելու հիմքեր առկա չեն»:
Իրենք դիմել են նաեւ ՄԻՊ-ին, սակայն ոչ մի արձագանք չեն ստացել:
Ավետիք Չալաբյանի պաշտպաններից Արթուր Հարությունյանն էլ նշեց, որ հուլիսի 1-ից ուժի մեջ մտնող քրեական օրենսգրքում այն հոդվածը, որով քրեական հետապնդման էն ենթարկվում Չալաբյանը, որպես այդպիսին հանցագործություն նախատեսված չէ: «Այսինքն ստացվում է, որ ունենալու ենք մի իրավիճակ, երբ 2022-ի հուլիսի 1-ի դրությամբ պարոն Չալաբյանի նկատմամբ քրեական հետապնդումն արդարացման հիմքով դադարելու է: Նման պայմաններում վարութն իրականացնող մարմնի կողմից ներկայացվեց կալանավորման միջնորդություն: Բայց դա խոչընդոտ չհանդիսացավ, որ քննիչի միջնորդությունը բավարարվի: Մեր կողմից ներկայացվեց վերաքննիչ բողոք, որը մակագրվեց դատավոր Արմեն Դանիելյանը: Չնայած բավականին ծավալուն քննարկում իրականացվեց, այնուամենայնիվ պարոն Դանիելյանի որոշման եւս բավարար արձագանք չկար մի շարք հանգամանքների, օրինակ հիմնավոր կասկածի վերաբերյալ մեր կողմից առաջ քաշած թեզին, որ քրեական գործում այդ հոդվածով հիմնավոր կասկածը բացակայում է»,-ասաց նա:
Արթուր Հարությունյանը նաեւ նշեց, որ երբ հայտնի ձայնագրության հրապարակումից երեք օր անց գնացել են Ավետիք Չալաբյանի բնակարանը խուզարկելու, նա եղել է քնած. «Դժվար թե քննությունից խուսափող անձը դեպքից երեք օր անց քնած լիներ, երբ գիտեր, որ առկա է նման ձայնագրություն եւ կարող են իրավական գործընթացներ սկսվել»:
Հետևեք մեզ Viber-ում
