Խաղաղություն լինելու է, բայց միայն մեծ ու ավերիչ պատերազմից հետո․ քաղաքագետ
Պատերազմը սարերի հետևում չէ, և դրա արդյունքում տարածաշրջանում մնալու է կա'մ Հայաստանը, կա՛մ Ադրբեջանը։ Անդրադառնալով, այսպես կոչված, «խաղաղության դարաշրջան»-ի մասին իշխանության կողմից առաջ տարվող թեզին՝ ֆեյսբուքյան իր էջում գրել է քաղաքագետ Արա Պողոսյանն ու ափսոսանքով նկատել, որ հիմա, ուղղակի, ժողովրդի դիմադրողականությունը գիտակցաբար ոչնչացվում է, երկիրն էլ՝ վերացվում․
««Խաղաղության դարաշրջա՞ն»` չե'նք լսել։
Ուղղակի այդ անպիտան պատուհասը գիտակցաբար տանում է ժողովրդի դիմադրողականությունը` ոչնչացման, երկիրը` վերացման։
Եթե դեռ չե'ք հասկացել, ապա ևս մեկ անգամ ասեմ, այո', խաղաղություն լինելու է, բայց միայն մեծ ու ավերիչ պատերազմից հետո։ Այդ պատերազմը սարերի հետևում չէ, և դրա արդյունքում տարածաշրջանում մնալու է կա'մ Հայաստանը, կամ Ադրբեջանը։ Երրորդ տարբերակը ուղղակի բացառված է, քանի որ մենք էքզիստենցիալ թշնամիներ ենք։
Էսքան բան...»,- գրել է քաղաքագետը։
Հետևեք մեզ Viber-ում
