Ռաբիզ երգիչներին տրված վաստակավորի կոչումները կվերցվե՞ն․ մեկնաբանում է ԿԳՄՍ նախարարը (video)
Հայաստանում մտադիր են վերացնել «ժողովրդական արտիստ» եւ «վաստակավոր արտիստ» կոչումները, սակայն պահպանել «Մշակույթի վաստակավոր գործիչ» եւ «արվեստի վաստակավոր գործիչ» կոչումները։
ՀՀ կրթության, գիտության, մշակույթի եւ սպորտի նախարար Վահրամ Դումանյանը լրագրողների հետ զրույցում այս ցանկությունը բացատրեց կոչումների չափորոշիչների հստակ ըմբռնման բացակայությամբ։
«Մշակույթի ոլորտի գործիչների մեջ եւս հստակություն չկա, ուստի նախարարության կողմից նման կոչումների շնորհումը չափազանց մեծ դասակարգում է առաջացնում»,- ասաց պաշտոնյան։
«Իսկ մշակույթի վաստակավոր գործիչ» եւ «արվեստի վաստակավոր գործիչ» կոչումների պահպանումը, ըստ նախարարի, պայմանավորված է նրանով, որ «դրանք տարբեր բաներ են»։
«Կարծում եմ, որ մշակույթի գործիչների գործունեության գնահատականը պետք է արտացոլվի տարբեր մրցույթներում, փառատոներում, համերգներում մրցանակներ ստանալով։ Եթե նախարարությունը արվեստագետին որպես ժողովրդական արտիստ է սահմանում, ապա ստացվում է, որ մնացածը ժողովրդական չե՞ն։ Դա խորհրդային ժամանակաշրջանի ժառանգությունն է։ Գուցե դրանում կան դրական տարրեր, բայց դա ավելի շատ շփոթություն է առաջացնում: Իրական գնահատականը տալիս է ժողովուրդը»,- եզրափակեց Դումանյանը։
Նշենք, որ «ՀԽՍՀ վաստակավոր արտիստ» եւ «ՀԽՍՀ ժողովրդական արտիստ» կոչումները, որոնք ԽՍՀՄ փլուզումից հետո փոխարինվել էին «Հայաստանի վաստակավոր արտիստ» եւ «Հայաստանի ժողովրդական արտիստ» կոչումներով, սահմանվել էին 1931 թ.
Հետևեք մեզ Viber-ում
