Մի քանի օր առաջ հենց այստեղ ոստիկանները նռնակներ ուղղեցին ժողովրդի վրա․Արամ Վարդևանյանը՝ ԵՄ դեսպանին (video)

Հունիսի 3-ին հենց այս հատվածում, ԵՄ գրասենյակի անմիջական հարեւանությամբ ժողովրդի վրա կիրառվեց լուսաձայնային նռնակ: Այս մասին, յսօր՝ հունիսի 7-ին, ԵՄ գրասենյակի դիմաց «Դիմադրության» շարժման ակցիայի ժամանակ հայտարարեց ԱԺ «Հայաստան» խմբկցության պատգամավոր Արամ Վարդեւանյանը:

«Ես կարծում եմ՝ սա նաեւ այս իշխանությունների հերթական ամոթալի էջերից մեկն է: Զարմանալին այն է, որ ԵՄ դեսպանատունը դրա մասին չի խոսում: Չի խոսում տասնյակ հարյուրավոր վնասվածքներ ստացած քաղաքացիների մասին, չի խոսում, որ խաղաղ հավաքի նկատմամբ նռնակ է օգտագործվել»,-ասաց նա:

Այնուհետեւ Վարդեւանյանն ընթերրցեց ԱԺ ընդդիմադիր երկու խմբակցությունների («Հայաստան» եւ «Պատիվ ունեմ») հայտարարության տեքստը, որը փոխանցեվց ԵՄ դեսպան Անդրեա Վիկտորինին:

Հայտարարությունում ասվում է.

«Ընդդիմադիր խորհրդարանական երկու խմբակցություններն արձանագրում են.

Սույն թվականի հունիսի 3-ին, Պռոշյան-Դեմիրճյան փողոցների հատման հատվածում խաղաղ հավաքի մասնակիցների նկատմամբ ոստիկանական ուժերի կողմից կիրառվել է ապօրինի եւ անհամաչափ ուժ ու հատուկ միջոցներ, այն է«Սվիրել» լուսաձայնային նռնակներ: Չնայած այն բանին, որ հավաքը կրում էր բացառապես խաղաղ բնույթ եւ այդ պարագայում ոստիկանական ուժերը պետք է ոչ թե խոչընդոտեին, այլ ընդհակառակը, պարտավոր էին աջակցել խաղաղ հավաքի անցկացմանը:

Ընդ որում, լուսաձայնային նռնակների կիրառում իրականացնել է առանց նախնական զգուշացման:

Անհամաչափ ուժի եւ հատուկ միջոցների կիրառման արդյունքում խաղաղ հավաքի մասնակից հարյուրավոր քաղաքացիների շրջանում, որոնց թվում նաեւ կանանց ու տարեցների մոտ առկա են տարբեր աստիճանի ծանրության վնասվածքներ: Մարմնական տարատեսակ վնասվածքներ են ստացել նաեւ ընդդիմադիր խմբակցությունների պատգամավորներից մի քանիսը, ինչպես նաեւ «Դիմադրության» շարժման մասնակից քաղաքական կուսակցությունների ներկայացուցիչներ:

Ընդ որում, վնասվածք ստացածների միայն մի հատվածխն է դիմել բժշկական օգնության: Զգալի հատվածը նախընտրել է բուժում ստանալ տնային պայմաններում, ինչը հիմք է տվել իշխանական ներկայացուցիչներին լրատվական դաշտ նետել թեզ, թե բախումների արդյունքում ոստիկանները շրջանում վնասվածք ստացածների քանակը շատ ավելին է, քան ցուցարարների շրջանում:

Հարկ է նշել, որ ոստիկանության ներկայացուցիչների մեծ մասը տուժել է հատուկ միջոցների սխալ կիրառման արդյունքում:

Իսկ որոշ լրատվամիջոցներում տեղ գտած տեղեկատվության համաձայն կիրառված լուսաձայնային նռնակները նաեւ եղել են ժամկետանց:

Հաջորդ խնդիրը, որ ներկայացվում է դեսպանին, դա խաղաղ հավաքի ընթացքում ոստիկանության մի շարք ծառայողների կողմից ոստիկանության մասին եւ ՀՀ օրենսդրության կոպիտ խախտմամբ ոստիկանության ծառայողների նույնականացնելու հնարավորություն տվող տարբերանշանները չկրելու փաստն է:

Օրենքի նման պահանջը նպատակ է հետապնդում, որ քաղաքացին կարողանա ճանաչել կամ նույնականացնել իրեն մոտեցած կամ իրեն բերման ենթարկող ոստիկանության ծառայողին:

Ավելին ԵՄ դեսպանատան համար մշտապես կարեւորվող ԵԱՀԿ/ԺՀՄԻԳ-ի խաղաղ հվաքների ազատության վերաբերյալ ուղեցույց 159-րդ կետում ուղղակի առկա է նման պահանջ: Նաեւ անհրաժեշտ ենք համարում նշել, որ այս խնդիրը նույնիսկ արձանագրվել է գործող ՄԻՊ-ի կողմից:

Ոստիկանական բիրտ ու անհամաչափ ուժ է կիրառվել; ոչ միայն քաղաքացիների նկատմամբ, այլ նաեւ լրատվամիջոցների նկատմամբ, խոչընոտվել է նրանց մասնագիտական աշխատանքը: Այսպես, սադրանքի րդյունքում ստեղծված հրմշտոցի ժամանակ ոստիկանները խլել են լրատվամիջոցներից մեկի օպերատորի տեսախցիկի ձողը, երբ լրագրողը ընկած է եղել գետնին, եւ այդ ձողով ոստիկանները սկսել են ծեծել ցուցարարներին: Արդյունքում օպերատորը ստացել է ոտքի վնասվածք, իսկ ԶԼՄ գույքը վնասվել է:

Ոստիկանները խոչընդոտել են այն լրագրողների եւ օպերատորների աշխատանքը, որոնք այդ պահին փորձել են նկարահանել լուսաձայնային նռնակներ նետող ոստռիկանին: Ընդ որում, պետք է արձանագրել, որ ոստիկանական ուժերի կողմից առանց զգուշացման հատուկ միջոցների կիրառումը ինքնին արդեն վտանգ է ստեղծել նշված տրածքում աշխատող լրագրողների առողջության եւ մասնագիտական գործունեություն ծավալելու համար:

Խաղաղ հավաքի մասնակիցների նկատմամբ բիրտ ու սադրիչ գործողությունները կատարվել են անձամբ Նիկոլ Փաշինյանի ապօրինի հրամանի հիման վրա:Սա հերթական կարմիր գծի հատումն էր, երբ սեփական ժողովրդի նկատմամբ Փաշինյանի հրամանով կիրառվում են լուսաձայնային նռնակներ: Քաջ գիտկցել;ով, որ հավաքի մսնակիցների մեծ մասը 44-օրյա պտերազմի մասնակիցներ են: Իսկ հետպատերազմական շրջանում այդ միջոցների ձայնն անգամ բվական է հավաքի մասնակիցներին սադրելու համար»:

Արամ Վարդեւնայնաը հույս հայտնեց, որ ԵՄ դեսպանի կողմից այս հայտարարությանը կլինի պատշաճ արձագանք:

Երբ ԵՄ–ի դեսպանատան դիմաց ոստիկանությունը խախտում է մարդու իրվունքների կոնվենցիայի բոլոր կետերը եւ ԵՄ դեսպանատունը լուռ է մնում, ես սա չեմ հասկանում: Սա ամենաանընդունելի երկակի ստանդարտն է: Նույն այս դեսպանատունը 2018-ին մարդու մազ ծռվելու դեպքում օրվա մեջ մի քանի հայտարարություն էր տարածքում, իսկ հիմա լուռ է եւ այդ լռությամբ խրխուսում է ոստիկանական վայրագությունները»,-ասաց Վարդեւանյանը: