Դավաճանի գերեզմանը․ Նաիրի Հոխիկյան (video)
Սյունիքի Արծվանիկ գյուղում կա մի լքված գերեզման։ Դրա տակ թաղված է 1700-ականներին ապրած Մելիք Ֆրանգյուլը, ով դավաճանել է հայրենիքին, գործարքի մեջ մտել թշնամու հետ ու պատճառ դարձել հազարավոր հայերի մահվան, հայկական տարածքների կորստի։
Դավաճանությունից հետո Մելիք Ֆրանգյուլը կարողացել է թշնամու օգնությամբ 7 տարի կառավարել Սյունիքում։
Դավիթ Բեկի զինվորները, ի վերջո, բռնել են, ձիուց կապված քաշել են Մելիք Ֆրանգյուլին, և նրա մեռնելու վայրում էլ փոս փորել ու գցել մեջը։ Հետո մարդիկ մի քար են դրել վրան, բանալու նման մի բան քանդակել՝ ի ցույց բոլորի, որ այդ քարի տակ պառկած է հայրենիքի դավաճանը։
Անցել է 300 տարի, բայց մինչև հիմա տեղացիները զզվանքով են խոսում այդ գերեզմանի մասին։ Անցորդներն իրենց պարտքն են համարում թքել այդ քարի վրա, ոտքերը սրբել կամ նույնիսկ միզել։
Սա թող իմանան բոլոր նրանք, ովքեր այսօր հանուն իրենց պաշտոնի կամ փողի գործարքի մեջ են մտել թշնամու հետ, վաճառել են Շուշին, Հադրութը, Քարվաճառը, Սյունիքի տարածքներն ու դեռ մտածում են, թե հավերժ են։
Մելիք Ֆրանգյուլի գերեզմանաքարը օրինակ է բոլոր դավաճաններին։ Վստահաբար այդպես է լինելու։
Նաիրի Հոխիկյանի ֆեյսբուքյան էջից։
Հետևեք մեզ Viber-ում
