Պատերազմ չի լինի.Արա Պապյան
«Մեր երկրի համար ներկայումս բացառիկ դրական վիճակ է ստեղծվել՝ արտաքին քաղաքական առումով: Հատկապես ռուս-թուրքական հարաբերությունների այս սրման պայմաններում մենք կարող ենք մեր շահերն առաջ տանել: Սակայն ներքին ծանր վիճակը թույլ չի տալիս օգտվելու այդ և այլ հնարավորություններից»,-Հայելի ակումբում հրավիրված ասուլիսում հայտարարեց «Մոդուս վիվենդի» կենտրոնի ղեկավար Արա Պապյանը: « Ռուս-թուրքական լարված հարաբերությունները գնալով էլ ավելի կսրվեն, սակայն դասական իմաստով պատերազմ չի լինի: Կընթանան ածանցյալ պատերազմներ, երբ ուժերը երրորդ երկրների տարածքում են իրականացնում գործողությունները:Այս պայմաններում այն կոչերը, որ Հայաստանը չպետք է միջամտի, ճիշտ է, սակայն գործնականում՝ անհնար: Ռուսական ռազմաբազա կա այստեղ, և հնարավոր չէ, որ մեր երկիրը մասնակցություն չունենա: Մյուս կողմից, Թուրքիան ինքը մեզ չի ընկալում որպես չեզոք կողմ: Միևնույն է՝ մեզ միշտ մեղադրելու են՝ որպես Ռուսաստանի դաշնակից, Ռուսաստանին պաշտպանող»,հայտարարեց նա և հավելեց , որ այսօր Նախիջևանի վերահսկման հարցը կենսական նշանակություն ունի մեզ համար: Բացի այդ, Լեռնային Ղարաբաղի խնդրի կարգավորման հարցում քայլեր կատարելու առումով հարմար ժամանակ է: Սակայն այն, որ երբեմն խոսվում է միջին լուծման գնալու մասին, դրական չէ. «Միջին լուծումն էլ նշանակում է՝ պետք է ինչ-որ բան զիջել»,-նշեց պարոն Պապյանը:
Հետևեք մեզ Viber-ում
