Բուհերը փնտրում են ուսանող. Ampop.am

Միասնական քննությունների արդյունքներով բարձրագույն ուսումնական հաստատություն է ընդունվել 8 266 դիմորդ։ Արդյունքում, մնացել է 11 375 թափուր տեղ: Թափուր մնացած տեղերը որոշ չափով կրճատելու նպատակով հուլիսի 15-ից 20-ը կազմակերպվել էր նոր դիմում-հայտերի ընդունման գործընթաց, որին կարող էին մասնակցել հիմնական մրցութային փուլին մասնակցած և բուհ չընդունված այն դիմորդները, ովքեր ունեն համապատասխան առարկաներից դրական միավորներ: Թափուր տեղերի մրցույթի արդյունքները պարզ կդառնան հուլիսի 25-ին: Մանրամասները «Ամփոփ»-ում, որը ինֆոգրաֆիկաների միջոցով ներկայացնում է Հայաստանի 5 պետական բուհերում բակալավրի կրթական ծրագրերով 2017-2018 ուս․տարվա 20 եւ ավելի թափուր տեղ գրանցած մասնագիտությունները եւ դրանց ուսման վարձավճարները։