Ադրբեջանի նախարարը Հայաստանի առաջարկներն առաջարկ չի համարում
Դեռ փետրվարին ադրբեջանական կողմը ներկայացրեց Հայաստանին խաղաղության պայմանագրի 5 հիմնարար սկզբունքները. Հայաստանը հայտարարեց, որ այդ սկզբունքներն իրենց հարմար չեն։ Այս մասին, ըստ ԱՊԱ-ի, հայտարարել է Ադրբեջանի արտգործնախարար Ջեյհուն Բայրամովը։
«Բայց ամենահետաքրքիրն այն է, որ բոլորը տեսան Հայաստանի ընդունած փաստաթուղթը։ Սակայն եթե նայեք փաստաթղթին, ապա այն առաջարկներ կոչել չի կարելի։ Ներկայացման պահին այդ փաստաթուղթն Ադրբեջանի առաջարկներին հայկական կողմի արձագանքի տեսքով էր։ Ես կարող եմ թվարկել արձագանքի այդ 6 կետերից մի քանիսը, եւ դուք եւս կարող եք եզրակացություն անել, թե որքանով դրանք կարելի է առաջարկություն անվանել»:
Նախարարը նշել է, որ կետերից մեկն այն է, թե ինչու է ադրբեջանական կողմը փետրվարի 21-ի հիմնական առաջարկները մարտի սկզբին ներկայացրել Հայաստանին:
Հետևեք մեզ Viber-ում
