ՀՀ վիճակագրական կոմիտեն ամփոփել է 2022թ. առաջին եռամսյակի հիմնական մակրոտնտեսական ցուցանիշները։
Համաձայն հրապարակված տվյալների՝ ընթացիկ տարվա գնաճը մարտ ամսվա ընթացքում կազմել է 7.8 տոկոս, իսկ տարվա առաջին եռամսյակի կտրվածքով` 11.3 տոկոս։ 2022թ. հունվար-մարտ ամիսներին, նախորդ տարվա համադրելի ժամանակահատվածի համեմատ, Հայաստանում տնտեսական ակտիվության ցուցանիշն ավելացել է 9.6 տոկոսով, իսկ 2022թ. մարտը, 2021թ. մարտի համեմատ, ցուցանիշն ավելացել է 6.7 տոկոսով:
Տնտեսության իրական հատվածում՝ արդյունաբերության ոլորտում, անցյալ տարվա մարտ ամսվա համեմատ, 8.9 տոկոս անկում է գրանցվել։ Գյուղատնտեսության ոլորտում էլ անկում է արձանագրվել 5.4 տոկոսի չափով, ինչն այս ոլորտի համար մտահոգիչ ցուցանիշ է։ Փոխարենը արտաքին առևտրաշրջանառությունը մեկ տարվա ընթացքում աճել է 15.6 տոկոսով` հիմնականում` ներմուծման հաշվին։ 2022թ․ մարտ ամսին ներմուծման ծավալն աճել է 22.5 տոկոսով, արտահանման ծավալը` 4 տոկոսով։
Վերլուծության համաձայն` տնտեսական ակտիվության ցուցանիշը 2022թ․ մարտ ամսին, 2021թ․ մարտ ամսվա համեմատ, աճել է 6.7 տոկոսով։ Շինարարության ոլորտում տարեկան աճը կազմել է 8.2 տոկոս, առևտրինը` 6.6, ծառայությունների ոլորտինը` 25.9։ Էլեկտրաէներգիայի արտադրությունը ավելացել է 16.7 տոկոսով: Փոխարենը Վիճակագրական կոմիտեն շինարարության ոլորտում է աճ արձանագրել 6.2 տոկոսով: Այս ցուցանիշները փաստում են, որ իրական տնտեսական ակտիվություն թերևս չունենք։ Հիմնականոում տնտեսության մեջ այս պահին շարժ է ապահովվում շինարարության և ծառայությունների աճի հաշվին։ Ընդ որում, նախորդ տարվա այս ժամանակահատվածի հետ համեմատությունը ճիշտ պատկեր չի կարող ապահովել, քանի որ անցած տարվա առաջին եռամսյակում տնտեսության բոլոր ճյուղերում խոշոր անկում էր գրանցվել՝ հետպատերազմական իրավիճակով և համավարակի սահմանափակումներով պայմանավորված։ Ընդ որում, անկման միտումը սկսվել էր դեռևս 2019 թվականից, երբ տնտեսությունը լոքդաունի վիճակում էր։ Հետևաբար, աճի այժմյան ցուցանիշները մասամբ լրացնում են նախորդ տարիների անկման պատկերը։ Ծառայությունների ոլորտում այս տարվա առաջին եռամսյակի ակտիվությունը պայմանավորված է նաև ռուս-ուկրաինական պատերազմի հետևանքով Հայաստան եկած ռուսաստանցիների ներհոսքով, որը սպառողական շուկայում աշխուժություն է մտցրել։
Դեկտեմբերի 5-ին՝ ժամը 12։30-ին, Հայելի ակումբի հյուրն է Գյուլնարա Ալեքսանյանը
Դեկտեմբերի 5-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Դեկտեմբերի 5-ին՝ ժամը 15։00-ին, Հայելի ակումբի հյուրն է Գագիկ Մինասյանը
Դեկտեմբերի 5-ին՝ ժամը 14։00-ին, Հայելի ակումբի հյուրն է ՀՀԿ-ից Կարապետ Պողոսյանը
Դեկտեմբերի 4-ին՝ ժամը 11։30-ին, Հայելի ակումբի հյուրն է Նարե Սոսեն
Դեկտեմբերի 4-ին՝ ժամը 16։30-ին, Հայելի ակումբի հյուրն է Մայր Հայաստանից Դերենիկ Մալխասյանը
Դեկտեմբերի 4-ին՝ ժամը 15։30-ին, Հայելի ակումբի հյուրն է Թաթուլ Պետրոսյանը
Դեկտեմբերի 4-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Դեկտեմբերի 4-ին՝ ժամը 15։00-ին, Հայելի ակումբի հյուրն է Ժասմինա Ղևոնդյանը
Դեկտեմբերի 3-ին՝ ժամը 14։00-ին, Հայելի ակումբի հյուրն է Մայր Հայաստանից Արմեն Դանիելյանը
Հետևեք մեզ Viber-ում
