Կարեն Կարապետյանը Արման Սահակյանից գումարներ է ուզում
Այսօր կառավարության նիստում որոշվեց նախապես սահմանված` որոշակի արժեքային մեծություն ունեցող պետական անշարժ գույքի օտարման գործընթացն իրականացնելու իրավասությունը վերապահել ՀՀ կառավարությանն առընթեր պետական գույքի կառավարման վարչությանը: Դրա արդյունքում խիստ կկրճատվի ՀՀ կառավարության անհատական որոշումների թվաքանակը, ինչպես նաև կնվազի ՀՀ կառավարության աշխատակազմի համապատասխան ստորաբաժանումների ծանրաբեռնվածությունը,ասաց պետգույքի կառավարման վարչության պետ Արման Սահակյանը: Մինչ այս պետական անշարժ գույքի յուրաքանչյուր միավորի օտարման մասին որոշումներն ընդունվում են ՀՀ կառավարության կողմից` Պետական գույքի կառավարման վարչության ներկայացմամբ,նշեց նա՞ Տարածագնահատման 1-ին, 2-րդ և 3-րդ գոտիներում գտնվող, 50 մլն դրամից ավելի գնահատված արժեք ունեցող պետական անշարժ գույքի օտարման մասին որոշումները կընդունվեն ՀՀ կառավարության որոշմամբ: Իսկ տարածագնահատման 4-րդ և ավելի բարձր գոտիներում գտնվող, մինչև 50 մլն դրամ գնահատված արժեքով պետական անշարժ գույքի օտարման մասին որոշումները կընդունվեն վարչության կողմից: «Մենք ձեզանից սպասում ենք ինտենսիվ գումարների մուտք: Պարզ ենք, չէ՞, ձևակերպել խնդիրը, պարո՛ն Սահակյան»,- հայտարարեց վարչապետ Կարեն Կարապետյանը:
Հետևեք մեզ Viber-ում
