Փոխնախարարը՝ բանակի գույքը վաճառքի հանելու մասին (video)
Ինքս՝ որպես Սասունի և Մուշի այդ իրադարձությունների հետևանքով Արևելյան Հայաստանում հայտնված սասունցիների և մշեցիների ժառանգ, այցելել եմ այն կարգախոսով, որ մենք պետք է հիշենք և սպասենք այն օրվան, երբ ամբողջ աշխարհը կհասկանա՝ ինչ է ցեղասպանությունը և այլևս չեն կրկնվի նման գործողություններ, լրագրողների հետ զրույցում ասաց ՀՀ պաշտպանության փոխնախարար Արման Սարգսյանը, ով Հայոց ցեղասպանության 107-րդ տարելիցին այցելել էր Ծիծեռնակաբերդի հուշահամալիր։
Լրագրողները պաշտպանության փոխնախարարից հետաքրքրվեցին՝ ի՞նչ է այսօր արվում՝ բանակն ուժեղացնելու համար, երբ օրհասական վիճակում ենք։
«Այդպես տրագեդիկ մի ներկայացրեք, օրհասական վիճակում չենք», - դիտարկմանը չհամաձայնեց Արման Սարգսյանը։
Նա բանակն ուժեղացնելու հիմքում դիտարկեց իշխանության հայտարարած բարեփոխումները։
«Մեր բարեփոխումներն արդեն մեկնարկել են, այն, ինչ արվում է, արվում է ուժեղ բանակ ունենալու համար։ Արդյունքները կտեսնեք այն ժամանակ, երբ որ կուզեք տեսնել։ Երբեմն մարդիկ կամ քաղաքական ուժեր կան, որոնք չեն ուզում տեսնել», - ասաց Արման Սարգսյանը։
Ինչ վերաբերում է բնագծերի կահավորմանը, ապա դա, ինչպես նշեց պաշտպանության փոխնախարարը, երկարատև պրոցես է․ պատերազմի հետևանքով սահմանին փոփոխություններ են եղել։
Հետևեք մեզ Viber-ում
