Արսենյան Գուրգեն, փողոցներում Նիկոլ էիր հայհոյում, մինչև մանդատ ստանալդ․ Նաիրա Զոհրաբյան (video)
«Քրեական օրենսգրքում շատ արագ պետք է վերականգնել մահապատժի հոդվածը: Ես թքել եմ եվրոպական բոլոր կառույցների ճակատին, ովքեր մեզ կարող են ասել՝ դա մարդու իրավունքի ոտնահարում է: Շուշին հանձնածները պիտի գնդակահարվեն: Բունկերի ողջ թայֆան պիտի կանգնի ՔՕ-ի ծանրագույն հոդվածի առջեւ»,- այսօր «Հայելի» մամուլի ակումբում կայացած ասուլիսում հայտարարեց ԱԺ նախկին պատգամավոր Նաիրա Զոհրաբյանը՝ նկատելով, որ անգամ իրեն ժողովրդավարության բաստեոն հռչակած ԱՄՆ նահանգներում մահապատիժ կա: Անմեղության կանխավարկածը կա, Նաիրա Զոհրաբյանը դա չի անտեսում, բայց համոզված է՝ մեղավորները պետք է պատասխան տան՝ օրենքի ողջ խստությամբ:
Անդրադառնալով ՔՊ-ական պատգամավոր Գուրգեն Արսենյանի հայտարարություններին էլ, Նաիրա Զոհրաբյանն ասաց, որ վերջինս իրեն ստիպում է մասնավոր զրույցներ հրապարակել. «Երբ ձեզ առաջարկ չէր եղել անցնելու այս կուսակցության … ամեն օր, երբ մենք զբոսնում էինք եւ մեր ճանապարհները հատվում էին «պրոսպեկտի» մայթին… չփոխանցեմ այն հայհոյանքները, որ դուք տալիս էիք Նիկոլ Փաշինյանի հասցեին եւ ասում էիք՝ մի բան արեք, օր առաջ ազատվեք այս արհավիրքից: Ես կարծում եմ, դուք տղամարդկային արժանապատվություն կունենաք եւ չեք ասի, որ ես ստում եմ, որովհետեւ ինձ հետ միշտ կար մի մարդ, որը լսում էր եւ ասում էր՝ ի՜նչ ազնիվ մարդ է, ոնց է հասկանում իրականությունը եւ ոնց է ատում Նիկոլին: Ընդամենը մի մանդատի համար, դուք պատրաստ եք ծախել Հայաստանը եւ Արցախը»:
Հետևեք մեզ Viber-ում
