Մոլորակի ամենավառ առաջին տիկինը. Շանտալ Բիյա/տեսաշար/

Վառ, էքսցենտրիկ, էպատաժային. այսպես կարելի է նկարագրել Կամերունի առաջին տիկնոջը՝ Շանտալ Բիյային։ Wnews.am-ը ներկայացնում է մոլորակի ամենավառ առաջին տիկնոջը։ Շանտալ Բիյան ծնվել է  1971թ. ֆրանսիացի ներգաղթյալ Georges Vigouroux ի ընտանիքում։ Նրա մայրը  2007 թ. ընտրվել է Բանգուի քաղաքապետ։ Շանտալը հիմնել է մի քանի բարեգործական կազմակերպություններ, որոնց թվում՝ «Աֆրիկյան Սինէներգիա», որը զբաղվում է ՁԻԱՀ-ի խնդիրներով, ինչպես նաեւ Շանտալ Բիյայի Ֆոնդը։ Շանտալի մասին տեղեկատվությունը քիչ է. հայտնի է, որ առաջին տիկինն ամուսնուց՝ Կամերունի նախագահ Պոլ Բիյայից փոքր է շուրջ 40 տարով (նախագահն 82, իսկ կինը 44 տարեկան է)։ 15 սմ բարձրությամբ նրա  սանրվածքը շատերին է զարմացնում. ի դեպ, սա նրա բնական մազերն են, այլ ոչ թե կեղծամ։ Հայտնի է, որ Քամերունի առաջին տիկինն ընկերություն է անում Ֆրանսիայի նախկին նախագահ Նիկոլյա Սարկոզիի կնոջ՝ Կարլա Բրունիի հետ։ Փարիզում նրանք հաճախ են միասին գնումներ անում ։ Ապրանքանիշերից նա նախապատվությունը տալիս է Dior-ին եւ  Chanel-ին։ Նրա զգեստապահարանի իրերից շատերը հատուկ անհատական պատվերներ են։ Նա շատ է սիրում մասնակցել տարաբնույթ հանրային միջոցառումների, որոնցից շատերն ինքն է կազմակերպում։ Չինաստանի առաջին տիկնոջ հետ   Շանտալն ու Փերիս Հիլթոնը Հռոմի պապի հետ