ՀՅԴ-ն ուզում էր «քցել», եղավ հակառա՞կը

ՀՀԿ-ՀՅԴ ձգվող բանակցություններն ու դաշնակցային հարաբերություններն  տարօրինակ դրսեւորումներ են ստանում: Սպասվում էր, որ ՀՀԿ ԳՄ դեռեւս նախորդ նիստից հետո  կհայտարարվի ՀՀԿ-ՀՅԴ համագործակցության փաստաթղթի ստորագրման օրվա մասին, սակայն  հայտարարվեց, որ դեռ  համագործակցության վերաբերյալ են համաձայնության  եկել,  վերջին նիստից առաջ իրավիճակը  կասկած չէր հարուցում, որ վերջ է դրվելու ՀՅԴ տառապանքներին ու այս կուսակցությունը բռնելու է իշխանություն տանող բաղձալի ուղին: Բայց Էդուարդ Շարմազանովը կրկին հիասթափեցրեց, թե քննարկումները շարունակվում են, խոստացավ հաջորդ շաբաթ հայտնել ստորագրվելիք փաստաղթի մասին, որի անունը լինելու է քաղաքական համագործակցության հուշագիր: Իրավիճակն էլ ավելի անհասկանալի դարձավ, երբ ՀՀԿ խոսնակը չպատասխանեց հարցին, Կառավարության ներկայացրած  նախագիծը՝ նորից առանձնացնել Տարածքային կառավարման նախարարությունը Արտակարգ իրավիճակներից, արվում է հենց  կոալիցիայի՞ շրջանակներում, որպեսզի Դաշնակցությանը առանձին նախարարություն տրամադրվի։ «Զուտ մեխանիկական՝ այդ պատճառով չէ։ Վաղը կլինի ԱԺ արտահերթ նիստ, նիստի ընթացքում հիմնական զեկուցողը կներկայացնի այն շարժառիթները, որի պատճառով մենք ունենք Ազգային ժողովում այդպիսի նախագիծ։ Բայց իմ սուբյեկտիվ կարծիքով՝ դրա պատճառը միայն Ձեր մատնանշած մեխանիկական պաշտոնների բաշխումը չէ»,-պատասխանեց նա լրագրողներից մեկի հարցին: Թեպետ ՀՀԿ ԳՄ նիստից մի քանի ժամ առաջ ՀՅԴ-ական Արմեն Ռուստամյանը  հաստատել է ՀՀԿ-ի հետ համագործակցության արդյունքում Դաշնակցության երեք նախարարների մասին մամուլի տեղեկությունները. Դավիթ Լոքյանը՝ տարածքային կառավարման, Արծվիկ Մինասյանը՝ էկոնոմիկայի, իսկ Լևոն Մկրտչյանը՝ կրթության ու գիտության: Արմեն Ռուստամյանը հաստատել է նաև, որ ՀՅԴ-ն ՀՀԿ-ի հետ կնքելու է քաղաքական երկարատև համագործակցության համաձայնություն: Այսինքն՝ խոսքը իսկապես վերաբերելու է նաև հետընտրական իրավիճակին, ինչը նշանակում է, որ ՀՅԴ-ն ու ՀՀԿ-ն, այսպես ասած, խորհրդարանական մեծամասնություն են ձևավորում:Ռուստամյանը «Ազատության» հետ զրույցում այլ փակագծեր էլ բացել, մասնավորապես, տեղեկացնելով, որ ստորագրվելիք համաձայնագրում փոխզիջումային տարբերակով տեղ են գտնելու այն բոլոր հարցերը, որոնք երկու ուժերը «համարում են հրատապ և պետք է լուծվեն համատեղ ջանքերով»: «Սկզբունքային համաձայնությունները ձեռք են բերվել, հիմա իսկապես աշխատանք է տարվում քաղաքական համագործակցության համաձայնագրի տեքստի վրա: Դա լինելու է «Քաղաքական համագործակցության համաձայնագիր»: Այդ համաձայնագիրը չի ունենալու ժամկետ, որովհետև մենք արդեն հայտարարել ենք, որ սա սովորական, էսպես՝ կոալիցիոն, ինչ-որ դաշինքի մասին չէ խոսքը, այլ երկարատև հեռանկարային համագործակցության:Գլխավոր հարցն, իհարկե, Սահմանադրությունը կյանքի կոչելն է>> ասել է նա: Երկու թեւերից տարածված ինֆորմացիայի զուգադրումը մի քանի հետեւությունների տեղ է բացում: Նախեւառաջ, եթե բանակցություններն իսկապես չեն ավարտվել ու ՀՀԿ նիստից հետո չէր հայտարարվելու համաձայնագրի ստորագրման մասին,  ինչպես Շարմազանովն է տեղեկացրել, քննարկումներն էլ դեռ շարունակվում են,  հարց է առաջանում՝ ինչու՞ է դաշնակցական Արմեն Ռուստամյանը ջուրը չտեսած առուն թռել, մինչեւ անգամ անուններ հրապարակել: Ստացվում է, որ պիտի լիներ ու ՀՅԴ-ն դրա համար է մեկ քայլ առաջ է ընկել, որ ՀՀԿ-ի  հավաքից առաջ  ցույց տա, թե  մինչեւ Սերժ Սարգսյանի ու կուսակիցների վերջնական քննարկումը իրենց արդեն տեղեկացվել է,ասել է թե՝ՀՀ նախագահը դաշնակներին ավելի է արժեւորել, հաշվի նստել, քան կուսակիցներին… ՀՅԴ-ն փորձեց <<քցել>> ՀՀԿ-ին, որը սակայն չստացվեց,  հասկացան ապագա գործընկերների քայլը եւ պատասխան հարված հասցրեցին՝երկարաձգելով  անհամբեր  ՀՅԴ-ի  իշխանություն տենչող սպասումները Հակառակ դեպքում,ստացվում է, որ ՀՅԴ-ում ավելին գիտեն, քան Հանրապետականում, կամ էլ ՀՅԴ-ում վստահ են, որ իրենց բերանի թռցրածը Ռուստամյանի բնորոշմամբ՝ հեղինակազրկված ՀՀԿ-ում չեն կարող կյանքի չկոչել: Անի Սահակյան